Msikiti wa Imam Ridha (AS) wachomwa moto Auckland, mshukiwa akamatwa
Jinai hiyo ilijiri Jumanne usiku na imesababisha uharibifu mkubwa wa ndani. Picha zilizoshirikiwa sambazwa mitandaoni zinaonyesha ukubwa wa uharibifu huo.
Mamlaka imemshtaki kijana wa miaka 19, ambaye anatarajiwa kufikishwa katika Mahakama ya Wilaya ya Waitakere kwa wizi na makosa mawili ya kuchoma moto.
Inspekta wa upelelezi Callum McNeill alisema kuwa maafisa wa polisi watawekwa karibu na misikiti mingine kote Auckland ili kuhakikishia jamii na kuunga mkono usalama unaoendelea.
Moto huo unaripotiwa kuwaka kwa saa nane kabla huduma za dharura kujibu kufika eneo la tukio na kuuzima. Wachunguzi walibaini haraka kuwa moto huo uliwashwa kimakusudi, kamera za usalama zikionyesha mtu akivamia msikiti huo kupitia mlango wa nyuma.
McNeill alitoa wito kwa mashahidi au mtu yeyote aliye na habari kuwasiliana na polisi.
Uchomaji huo umewafanya viongozi wa msikiti huo kuanzisha juhudi za kuchangisha pesa ili kusaidia kufadhili ukarabati na kuimarisha usalama.
Katika chapisho kwenye mtandao wa kijamii, msemaji wa msikiti huo aliandika, “Ndugu zetu na dada zetu wengi wamefika, wakiuliza ni jinsi gani wanaweza kusaidia urejesho wa msikiti wetu... Kila mchango, mkubwa au mdogo, utaleta maana. tofauti.”
Waislamu wanaoswali katika msikiti huo waliguswa sana kupata nakala ya Qur'ani ambayo haijateketea ikiwa katikati ya majivu. "Moto huo umesababisha uharibifu mkubwa, ukiacha nyuma magofu na huzuni. Hata hivyo, kati ya hayo yote, jambo moja la ajabu linasimama kama ishara ya matumaini—nakala ya Qur'ani Tukufu ambayo haikuguswa na moto, ukumbusho wenye nguvu wa uthabiti na imani,” msemaji huyo alisema.
Mwenyekiti wa Msikiti Feridoun Salehi alihutubia jamii na kusema. "Kuna wale ambao walijaribu kutudhuru, kutikisa misingi ya nafasi yetu takatifu," alisema.
"Tukumbuke kuwa kuta za msikiti ni imara, lakini sio msingi wetu wa kweli. Msingi wetu wa kweli ni imani yetu, upendo wetu, subira yetu, na umoja wetu. Haya ni mawe ambayo hakuna moto unaweza kuyateketeza, hakuna mashambulizi yanayoweza kuyadhoofisha, na hakuna maneno yanayoweza kuyatikisika."
Katika kukabiliana na shambulio hilo, Dk. Muhammad Sajjad, rais wa Baraza la Kiislamu la New Zealand, alikiri wasiwasi ulioongezeka ndani ya jamii.
"Watu wana wasiwasi kidogo kuhusu kuongezeka kwa idadi ya matukio kama haya," Sajjad alisema, akibainisha kuwa miezi ya hivi karibuni imeshuhudia kuongezeka kwa uhalifu wa misingi ya rangi na dini ulioripotiwa kwa mamlaka.
Waumini wa msikiti huo wanashukuru kwamba moto huo haukutokea wakati wa Swal ana hivyo hapakuwa na majeruhi. "Nina furaha hakuna aliyeumia, kwamba haikuwa wakati wa sala," mwakilishi wa msikiti amenukuliwa akisema.
3490582
