Karbala kuwa mwenyeji wa Wiki ya Kimataifa ya Uimamu mnamo Juni
Idara ya Mfawidhi wa Haram tukufu ya Hadhrat Abbas (AS) itaratibu programu mbalimbali wakati wa tukio la kimataifa, lililopangwa kufanyika Juni 13 hadi 20.
Programu hizo zinajumuisha mikutano 12 kuhusu maisha na Seerah ya Maimamu 12 wasio na hatia (AS) kwa ushiriki wa wahadhiri wa kitaaluma na semina, Al-Kafeel ameripoti.
Kutakuwa pia na mashindano ya sanaa, mijadala na warsha, kulingana na idara hiyo.
Kwa kuandaa Wiki ya Kimataifa ya Uimamu, idara hiyo inalenga kueneza mafundisho ya Ahl-ul-Bayt (AS), kufafanua mwenendo wao katika kushughulikia migogoro ya ulimwengu wa kisasa, na kuangazia jukumu lao katika kuondoa shaka za kiakili na kukabiliana na mawazo potofu.
Wiki ya Kimataifa ya Uimamu itafanyika kwa kauli mbiu ya "Unabii na Uimamu haviwezi kutenganishwa" kwa mnasaba wa Eid al-Ghadir.
Tukio la Ghadir, au Eid al-Ghadir, linaadhimishwa na Waislamu wa Shia ulimwenguni kote kila mwaka.
Ni miongoni mwa sherehe muhimu na sikukuu za furaha za Waislamu wa Shia zinazofanyika siku ya 18 ya Dhul Hijjah katika kalenda ya Hijri ya mwezi.
Ilikuwa ni siku ambayo kwa mujibu wa ripoti, Mtume Mtukufu (SAW) alimteua Ali ibn Abi Talib (AS) kuwa khalifa wake na Imam baada yake kufuatia amri kutoka kwa Mungu.
Eid al-Ghadir itaadhimishwa Jumamosi, Juni 14, mwaka huu.
3492073
