Jukwaa la Kujadili Tafiti za Qur’ani Katika Chuo Kikuu cha Los Angeles

IQNA – Jukwaa la kimataifa litakalojadili mkutano wa hivi karibuni wa tafiti za Qur’ani uliofanyika Los Angeles litafanyika mtandaoni leo na Jumamosi ijayo kupitia jukwaa la Zoom.

Chama cha Kimataifa cha Tafiti za Qur’ani (IQSA) kilifanya Mkutano wake wa Kila Mwaka kuanzia Novemba 13 – 16, 2025 katika Chuo Kikuu cha Loyola Marymount, Los Angeles, California.

Mkutano huo uliandaliwa kwa mfumo wa paneli 15 na mawasilisho 68.

Miongoni mwa mambo yaliyobainika mwaka huu ni uwepo mkubwa zaidi wa watafiti kutoka Iran ukilinganisha na miaka iliyopita, walioweza kuonyesha wazi nafasi ya tafiti za Qur’ani za Kiirani kupitia mawasilisho ya kisayansi na ushiriki wao wa dhati.

Waliohudhuria ni pamoja na Heidar Davoudi, Marzieh Sarvmeili, Mehdi Saleh, Vahid Safa, Mohammad Osmani, Mohsen Goodarzi, Zahra Moballegh, Elahe Mahdavi, Fatemeh Najarzadegan, na Zeinab Vesal.

Kwa muktadha huo, baadhi ya watafiti wa Qur’ani waliokuwepo katika mkutano huu wanatarajiwa kushiriki katika jukwaa maalum la Reflection na kushirikisha umma matokeo ya tafiti zao na uzoefu waliopata kutokana na ushiriki huo.

Watafiti wote, wanafunzi na wale wanaopenda masomo ya Kiislamu wanaweza kushiriki katika jukwaa hilo, lililopangwa kufanyika mtandaoni tarehe 6 na 13 Desemba kupitia Zoom katika kiunganishi hiki:  https://northwestern.zoom.us/j/96513862183

Ni vyema kutambua kuwa mkutano wa kila mwaka wa IQSA ni miongoni mwa mikutano mikubwa ya tafiti za Qur’ani duniani.

Mkutano huu wa kielimu unaonyesha mafanikio mapya na ya hivi karibuni ya tafiti zisizo za kidini katika uwanja wa Qur’ani. Hivyo basi, kushiriki katika mkutano huu na kusoma muhtasari wa mawasilisho kunamsaidia mtu kujifunza kuhusu michango muhimu na ya karibuni ya wanazuoni mashuhuri wa tafiti za Qur’ani.

Mkutano wa IQSA wa mwaka huu ulihudhuriwa na wanazuoni mashuhuri wa tafiti za Qur’ani na masomo ya Kiislamu kutoka sehemu mbalimbali duniani.

/3495630