Wahifadhi Qur’ani wa kike waenziwa katika kambi ya wakimbizi Gaza

IQNA – Hafla maalumu imefanyika Gaza kuadhimisha mahafali ya wanafunzi kadhaa wa kike waliokamilisha kuhifadhi Qur’ani Tukufu.

Wanafunzi hawa wamefanikisha jukumu hili licha ya zaidi ya miaka miwili ya mashambulizi yanayoendelea kutoka kwa majeshi ya utawala wa Kizayuni wa Israel. Hafla hiyo, iliyoandaliwa Jumatatu na Manispaa ya Al-Maghazi pamoja na Idara ya Awqaf ya Gaza ya Kati, ilihudhuriwa na maafisa, familia na jamaa.

Sherehe hii pia ilifanyika kama jibu kwa dharau ya hivi karibuni iliyotolewa na Marekani dhidi ya Qur’ani Tukufu. Maryam Asdoudi, msimamizi wa mitihani katika eneo la Gaza ya Kati, alisisitiza kuwa wahitimu wengi ni mabinti wa mashahidi na majeruhi, lakini azma yao iliwawezesha kukamilisha kuhifadhi Qur’ani.

Ula Abu Talib, msimamizi wa kuhifadhi Qur’ani katika Al-Maghazi, aliongeza kuwa wanafunzi walihifadhi Qur’ani ndani ya mahema ya wakimbizi, makazi ya muda na nyumba, wakionyesha ustahimilivu licha ya misikiti kubomolewa na mazingira magumu.

Wote wawili walisisitiza kuwa Qur’ani inabakia kuwa chanzo cha mwongozo na faraja, na kwamba sherehe hii ni kielelezo cha uthabiti wa Gaza na kujitolea kwake kulinda Kitabu Kitukufu cha Mwenyezi Mungu.

3495897