Kutoka kwa “Mtihani wa Waumini” hadi “Kufutwa kwa Makafiri”, Mantiki ya Qur’ani katika Kupanda Kilele

IQNA-Kiongozi Shahidi wa Mapinduzi ya Kiislamu , Imam Khamenei, (Mwenyezi Mungu Amrehemu) aliashiria katika moja ya hotuba zake kwamba, “Tumepita sehemu kubwa ya njia, licha ya changamoto nyingi, na sasa tumekaribia kilele.”

Maneno haya yanazungumza kuhusu ukaribu na kilele cha kihistoria, mtazamo unaotokana na Uislamu wa Qur’ani na ukweli wa uhalisia wa uwanja. Hapa kilele hakimaanishi tu ushindi wa kimwili, bali ni hatua ya juu ya kiroho na kijamii katika safari ndefu ya kuunda jamii ya waumini.

 Misingi ya Qur’ani: “Mafunzo ndani ya Mitihani”

Aya za 140-141 za Surah Al-Imran zinatoa mwonekano wa kina wa sunna ya Mwenyezi Mungu katika kulea na kutakasa waja wake kupitia mitihani. Hapa, maumivu na magumu yanakuwa mchakato wa malezi, unaopitia hatua kadhaa:

1. Hatua ya Utambuzi na Utengano

(وَلِيَعْلَمَ اللَّهُ الَّذِينَ آمَنُوا)

Mitihani hufunua nani ni muumini wa kweli na nani ni mwenye madai tu. Kwenye zama za mwisho, moto wa fitna huwa mkali zaidi ili utengano huu ufanyike kwa kasi. Hapo ndipo safu safi za waumini zinajitokeza.

2. Hatua ya Kuweka Mifano na Kuinua Alama za Uongofu

(وَيَتَّخِذَ مِنْكُمْ شُهَدَاءَ)

Baada ya kutambua waumini wa kweli, Allah huchagua mashahidi miongoni mwao , watu wanaokuwa nuru ya jamii. Viongozi kama Imam Shahidi ni alama kwamba jamii imeiva na imefikia uwezo wa kubeba bendera ya uongofu.

3. Hatua ya Uondoaji na Usafi wa Ndani

(وَلِيُمَحِّصَ اللَّهُ الَّذِينَ آمَنُوا)

Baada ya utengano wa nje na makafiri, huja utihani wa ndani wa nafsi jihadul akbar. Subira kwenye matatizo humsafisha muumini kutoka ndani, humjengea taqwa yenye kina, na humfanya tegemezi wa Allah tu. Hapa ndio huundwa wanadamu wanaostahili ushindi wa mwisho.

4. Hatua ya Kuangamia kwa Kafiri

(وَيَمْحَقَ الْكَافِرِينَ)

“Muhq” ni kufutika kwa taratibu , udhaifu wa ndani wa wafuasi wa batili na kuanguka kwa nguvu za nje za mfumo wa kiimla wa Kimarekani na Kizayuni. Kuangamia huku ni taratibu lakini hakika.

 Kilele cha Safari ya Jamii

Kilele ni hatua ambapo jamii hugonga ukomavu baada ya mchakato mrefu wa ndani. Ni sehemu ngumu zaidi ya njia,  nguvu za ndani huonekana kama zinapungua, shinikizo la nje linaongezeka,  lakini alama za ushindi huanza kujitokeza:

• Ndani: Kuibuka kwa mashahidi wakubwa kama Kiongozi Shahidi ni dalili ya ukomavu wa kiroho wa umma.
• Nje: Kushindwa kwa nguvu za adui katika ngome zao za Kimarekani na Kizayuni ni ishara ya “muhq” unaoendelea.

Hivyo, ukaribu na kilele si mwisho wa nguvu, bali ni ishara ya karibu na ushindi mkuu unaotokana na ahadi ya Mwenyezi Mungu, kuwa wale waliochunguzwa na kujaribiwa watakuwa wenye kushinda kwa nuru na subira.

 3496675