Askari katili wa Israel wamewaua watoto tisa wa Kipalestina mwaka huu
Wizara ya Afya ya Palestina ilisema katika ripoti yake mpya imesema kwamba idadi ya Wapalestina ambao wameuawa na wanajeshi wa Israel tangu mwanzoni mwa 2023 imeongezeka hadi 42, ikiwa ni pamoja na mwanamke mzee na watoto tisa, wanane kati yao wakati wa Januari pekee.
Ripoti hiyo imesema mwaka huu, utawala wa Israel umefanya jinai nyingi zaidi dhidi ya Wapalestina katika ardhi zinazokaliwa kwa mabavu kuliko wakati mwingine wowote katika miaka ya hivi karibuni na kuongeza kuwa, mwaka mpya hadi sasa umekuwa na madhara makubwa kwa watoto Wapalestina.
Wizara hiyo ilieleza kuwa mwaka jana, Wapalestina 224, wakiwemo watoto 53 na wanawake 17, waliuawa mikononi mwa wanajeshi wa Israel na walowezi katika ardhi zinazokaliwa kwa mabavu, na hivyo kuashiria mwaka 2022 kuwa mwaka mbaya zaidi kwa Wapalestina tangu 2005.
Pia imesema Wapalestina wanane kati ya waliouawa walikuwa na umri wa chini ya miaka kumi, 45 walikuwa na umri kati ya miaka 11-17, 108 kati ya miaka 18-29, 27 kati ya miaka 30-39, 19 kati ya miaka 40-49, 11 kati ya miaka 50-59, na watano wenye umri zaidi ya miaka 60.
Katika kipindi cha miezi kadhaa iliyopita, Israel imeongeza mashambulizi katika miji na miji ya Palestina katika maeneo yote yanayokaliwa kwa mabavu. Kutokana na mashambulizi hayo makumi ya Wapalestina wamepoteza maisha na wengine wengi kukamatwa.
Wakati huo huo, Tume ya Palestina ya Masuala ya Wafungwa na Wafungwa wa zamani inasema Israel imewakamata zaidi ya watoto 50,000 tangu 1967.
Tume hiyo pia ilisema kwamba takriban watoto 160 bado wanazuiliwa gerezani katika vituo vya kizuizini vya Israeli hadi sasa. Miongoni mwa wafungwa hao ni wasichana watatu, kati yao wawili wana umri wa miaka 16 na wa tatu ni 17, ambao wanazuiliwa katika gereza la Damon.
3482416
