Mashambulizi ya Utawala Katili wa Israel kwenye 'Eneo Salama' Yaua Wapalestina 90 Walionyanganywa Makaazi

Vikosi vya utawala katili wa Kizayuni wa Israel vimefanya mashambulizi ya kikatili dhidi ya kambi ya wakimbizi ya al-Mawasi karibu na mji wa Khan Younis, kusini mwa Gaza na kuua Wapalestina wasiopungua 90.

Shambulizi la Israel kwenye eneo lililotajwa kama "eneo salama" lilihusisha ndege za kivita na ndege zisizo na rubani, kulingana na mashahidi, na kusababisha vifo vya watu wasiopungua 90 na wengine 300 kujeruhiwa.

 Eneo hilo, ambalo takriban watu 80,000 walikuwa wakihifadhi, lilipigwa na "mabomu matano na makombora matano."

Wafanyakazi wa uokoaji waliripoti kuwa jeshi la utawala huo katili wa Israel liliwashambulia wafanyakazi waliokuwa wakielekea kuwasaidia wahasiriwa.

 Mashambulizi hayo yaliyotokea mwendo wa saa 10:30 asubuhi, yalisababisha vifo vya makumi ya raia ambao walipelekwa katika eneo la Nasser Medical Complex, na wengine zaidi ya 100 kujeruhiwa, baadhi yao vibaya.

Vikosi vya uokoaji vinaendelea kupata makumi ya majeruhi kutoka kwa maeneo ya milipuko.

 Jeshi la serikali hiyo lilidai kuwa limewalenga Rafa'a Salameh, kamanda wa Brigedi ya Hamas ya Khan Younis, na Mohammed Deif, mkuu wa tawi la kijeshi la Hamas.

 Walakini, waziri mkuu Benjamin  Netanyahu alisema "hakuwa na uhakika kabisa" kwamba maafisa wa Hamas walikuwa wameuawa.

 Ukanda wa Gaza: Ripoti za Kikundi cha Haki za 'Mauaji' huko Shujayea

Harakati ya Hamas imepuuzilia mbali madai ya jeshi la Israel kama "uongo," na kueleza kuwa ni jaribio la kuficha "mauaji ya kutisha" katika eneo ambalo Wapalestina waliofurushwa makwao waliambiwa kutafuta hifadhi baada ya kuamriwa kuhama makazi yao mahali pengine katika Ukanda huo.

 Tukio hilo lilitokea siku ya 281 ya vita vya Israel dhidi ya Ukanda wa Gaza. Mashambulizi ya Israel yamesababisha vifo vya watu wasiopungua 38,345 huko Ukanda wa Gaza, wengi wao wakiwa wanawake na watoto, kulingana na wizara ya afya ya Gaza.

 Ulimwengu wakosoa mauaji ya kimbari ya utawala katili wa Israeli

Umoja wa Mataifa na nchi za Asia Magharibi zimeshutumu vikali utawala huo kwa kuwashambulia raia.

Jumuiya ya Ushirikiano wa Kiislamu imelaani vikali vitendo vya Israel katika al-Mawasi, Khan Younis na kambi ya wakimbizi ya Shati, na kuyataja kama "mauaji ya kutisha."

 Shirika hilo linayachukulia mashambulio hayo kama "kupanuliwa kwa jinai ya mauaji ya halaiki ambayo uvamizi wa Israel unaendelea kufanya dhidi ya raia wa Palestina, kwa kukiuka wazi" maagizo ya Mahakama ya Kimataifa ya Haki na maazimio ya Umoja wa Mataifa.

 Vikosi vya utawala katili wa Israel Vilishambulia kwa Bomu Kambi ya Al Shati huku Wizara ya Afya ikiripoti vifo vya zaidi ya 100 kwa Siku

Katibu Mkuu wa Umoja wa Mataifa Antonio Guterres: amesema "ameshtushwa na kuhuzunishwa" na mashambulizi ya anga ya Israel ambayo yaliwauwa takriban Wapalestina 90.

 "Jeshi la utawala huo katili wa Israel lilisema linalenga wanachama wawili wakuu wa Hamas," Guterres alisema katika taarifa yake; "Katibu Mkuu anasisitiza kwamba sheria ya kimataifa ya kibinadamu ikiwa ni pamoja na kanuni za kutofautisha, uwiano, na tahadhari katika shambulio lazima zizingatiwe wakati wote.

3489127