Fainali za Mashindano ya Kimataifa ya Qur’ani Tukufu Makkah zakamilika

IQNA – Raundi ya mwisho ya Mashindano ya 45 ya Kimataifa ya Mfalme Abdulaziz ya Kuhifadhi, Kusoma, na Kufasiri Qur’ani Tukufu imemalizika Alhamisi katika Msikiti Mtukufu wa Makkah.

Raundi hii ilidumu kwa siku sita mfululizo, ikiwashirikisha washindani 179 kutoka nchi 128 katika mabara mbalimbali.

Toleo la mwaka huu lilishuhudia ushindani mkali, uliojaa ubora wa qira’a, uhifadhi wa kina, ufasaha wa maelezo, na sauti zenye ladha ya kiroho. Kiwango cha juu cha utendaji kilidhihirisha heshima kubwa ya kimataifa kwa Qur’ani Tukufu na kuashiria kuibuka kwa kizazi kipya cha mahafidh bora duniani.

Jopo maalumu la majaji wa kimataifa waliotambulika katika taaluma za Qur’ani liliendesha tathmini za mashindano haya.

Mashindano haya pia yalitumia mfumo wa kielektroniki ulioboreshwa wa upimaji ili kuhakikisha uadilifu na usahihi wa alama.

Makundi makubwa ya mahujaji na wageni waliokuwepo katika Msikiti Mtukufu kwa ajili ya Umrah walishiriki kwa shauku kusikiliza qira’a.

Mashindano ya mwaka huu yalikuwa na makundi matano, huku jumla ya zawadi zikiwa zaidi ya riyali milioni 4 za Kisaudia, na hivyo kuthibitisha nafasi yake kama miongoni mwa mashindano ya Qur’ani yenye heshima na historia ndefu zaidi duniani.

3494256v

Washindi watatangazwa na kutunukiwa zawadi katika hafla ya kufunga mashindano itakayofanyika katika Msikiti Mtukufu wa Makkah.

3494256