Maqari wa Haram ya Imam Hussein (AS) wang’aa katika Mashindano ya Kitaifa ya Qur’ani kwa Wanawake nchini Iraq
Kwa mujibu wa Wassam Nadhir al-Delfi, mkuu wa Kituo cha Habari za Qur’ani cha Idara ya Mfawidhi wa Haram ya Imam Hussein (AS), mashindano haya yalifanyika kwa ushiriki mpana wa maqari kutoka mikoa kumi ya Iraq, ikiwemo Basra, Dhi Qar, Diwaniyah, Babil, Baghdad, Najaf, Karbala, Salah al-Din na Wasit.
Amesema ushiriki wa waqari wa kike wa Astan ulikuwa wa kipekee kwa wingi na kiwango cha juu cha kitaalamu. Sherehe ya kuwatunuku washindi ilifanyika katika uwanja wa Haram Tukufu kwa mazingira ya kiroho, ambapo jopo la majaji lilithamini sana kiwango cha washiriki na juhudi zilizowezesha tukio hili.
Al-Delfi alibainisha kuwa mwishoni mwa mashindano, washindi wa juu katika makundi mawili ya hifdh (uhifadhi) na tilawa (usomaji) walitangazwa.
-
Duaa Maytham Abdul Zaid kutoka tawi la Babil alishinda nafasi ya kwanza katika kundi la hifdh.
-
Mi’ad Saeed Khami kutoka Basra alishinda nafasi ya pili, na Zeinab Hanun Khalaf kutoka Basra pia akashika nafasi ya tatu.
-
Katika kundi la tilawa, Sattar Jabbar kutoka Basra alishinda nafasi ya pili, na Ma’souma Abbas Hatihat kutoka Basra akashinda nafasi ya tatu.
Mashindano haya yaliandaliwa na Kituo cha Kitaifa cha Sayansi za Qur’ani cha Iraq siku ya Alhamisi na Ijumaa (Novemba 12 na 13) katika Haram ya Al-Askari mjini Samarra.
Kauli mbiu ya mashindano haya ilikuwa: “Kuliwakilisha Iraq; heshima kwa wote.”
Mashindano yalifanyika chini ya usimamizi wa Haider Hassan al-Shammari, mkuu wa Ofisi ya Awqaf ya Kishia ya Iraq. Maqari na wahifadhi wa kike kutoka taasisi za Qur’ani zilizounganishwa na haram na maeneo ya kidini nchini humo walishiriki.
Lengo kuu la mashindano haya lilikuwa kuchagua bora zaidi watakaoiwakilisha Iraq katika mashindano ya kimataifa ya Qur’ani.
4317183
