Mfululizo wa mikutano kuhusu “Qur’ani, Haqiqa na Uongozi” kuanza Ijumaa

IQNA – Mfululizo wa mikutano ya kimataifa kuhusu mada ya “Qur’ani, Haqiqa na Uongozi” imeandaliwa na Shirika la Utamaduni na Mahusiano ya Kiislamu (ICRO), kwa lengo la kufafanua misingi ya Qur’ani Tukufu na nguzo zake katika uendeshaji wa jamii.

Kwa mujibu wa taarifa ya kitengo cha habari cha ICRO, mikutano hiyo inalenga pia kuwasilisha mfumo wa uongozi ulio na upeo wa juu wa kiroho na kimaadili.

Kituo cha Kimataifa cha Qur’ani na Tablighi cha shirika hilo ndicho kitakachoratibu mikutano hiyo.

Tukio hili kubwa la kielimu na kimfahamu litaanza Ijumaa, Mei 15, na kuendelea hadi Mei 26.

Limekusudiwa kutoa jukwaa pana la kuchunguza upya uhusiano kati ya ukweli wa Qur’ani Tukufu na mifumo ya uongozi katika ulimwengu wa kisasa.

Mikutano hiyo itafanyika kwa ushiriki hai wa Vituo vya Utamaduni vya Jamhuri ya Kiislamu ya Iran vilivyoko Indonesia, Bosnia na Herzegovina, Sierra Leone, Thailand, Pakistan, Lebanon na Afrika Kusini.

Katika majadiliano hayo, wanazuoni na wahadhiri mashuhuri wa ulimwengu wa Kiislamu watachunguza suluhisho za Qur’ani kwa changamoto mbalimbali za kimataifa.

3497455