Misahafu ya kale katika Hazina ya Haram ya Imam Ali (AS) yaonyeshwa Najaf
Maonesho hayo yanajumuisha mkusanyiko wa kazi adimu na za kifahari, maandiko ya kale, nakala za Qur’ani za zamani pamoja na nyaraka za kihistoria. Yameandaliwa katika ukumbi wa Hazrat Amena (SA) uliopo katika Uwanja wa Hazrat Zahra (SA) ndani ya Haram Tukufu ya Imam Ali (AS).
Maonesho haya yanawasilisha mifano ya maandiko na nyaraka za kihistoria zinazochukuliwa kuwa turathi yenye thamani kubwa katika nyanja za elimu na utamaduni wa Kiislamu.
Aidha, nakala muhimu za Qur’ani zenye umri wa takriban miaka elfu moja zimewekwa hadharani, baadhi yake zikionyeshwa kwa mara ya kwanza kabisa.
Hazina ya Alawi inahesabiwa kuwa miongoni mwa maktaba na hazina kongwe na mashuhuri zaidi nchini Iraq na katika ulimwengu wa Kiislamu.
Safari hii, kazi hizo zimewasilishwa kwa mtindo tofauti na maonesho yaliyopita.
Maonesho hayo yameandaliwa kwa juhudi za Idara ya Masuala ya Kifikra na Kitamaduni ya Mfawidhi wa Haram Tukufu ya Imam Ali (AS), na yataendelea hadi Jumapili, tarehe 7 Juni.
Lengo lake ni kuimarisha ushiriki wa wananchi katika tukio hili lenye baraka la Eid al‑Ghadir, kukuza utamaduni wa utii na uaminifu kwa Amir al‑Mu’minin (AS), na kudumisha ujumbe wa Ghadir uendelee kuwa hai katika nyoyo na fikra za watu.
Maonesho ya kazi adimu na maandiko kutoka Hazina ya Alawi yanatoa fursa muhimu kwa wapenda turathi za kitamaduni na kihistoria kuifahamu kwa karibu hazina ya kipekee ya maandiko ya kielimu na ya kihistoria.
3497701
