Australia yashuhudia maandamano makubwa zaidi ya kulaani Israel na kuunga mkono Palestina
Mji wa Brisbane ulikusanya umati mkubwa zaidi wa Wapallestina katika historia yakei, kwa mujibu wa waandaaji wa maandamano, huku maelfu ya watu wakitembea kote Australia Jumapili kuonyesha uungaji mkono kwa ajili ya haki za Palestina, siku chache baada ya baa la njaa kutangazwa rasmi huko Gaza kwa mara ya kwanza.
Huko Brisbane, makadirio ya awali ya waandaaji yalikuwa kwamba angalau watu 25,000 walikusanyika kwa maandamano ambayo yalitajwa kama “ya kihistoria.”
Msemaji wa taasisi ya Justice for Palestine Magan-djin, Remah Naji, aliwaambia waandamanaji wa Brisbane Jumapili alasiri kwamba yalikuwa “maandamano makubwa zaidi ya kuunga mkono Palestina ambayo mji huu umewahi kushuhudia.”
Maandamano ya Jumapili yalitarajiwa na waandaaji kuwa maandamano makubwa zaidi ya kuunga mkono Palestina katika historia ya Australia, ambapo kila kundi kuu la kuandaa maandamano la Palestina lilijiunga kwa siku ya kitaifa ya maandamano katika miji 40.
Israel iwekewe vikwazo
Waandamanaji walitaka Australia iiwekee Israel vikwazo na isitisha biashara ya silaha na utawala huo dhalimu.
Maandamano hayo yaliungwa mkono na zaidi ya mashirika 250 ya kijamii na vyama vya wafanyakazi, ikiwa ni pamoja na Victoria Trades Hall Council, Unions NSW, Hunter Workers, Unions WA na South Coast Labour Council.
Naji alisema kwamba idadi kubwa ya waandamanaji huko Brisbane inaweza kuelezewa na uamuzi wa mamlaka kupiga marufuku waandamanaji kupita juu ya Daraja la Story. Waandaaji walilazimika kubadilisha mipango yao baada ya hakimu Alhamisi kupinga mipango ya waandaaji ya kupita juu ya daraja kwa sababu za usalama wa jamii, ambapo Kamishna Msaidizi wa Polisi wa Queensland, Rhys Wildman alikaribisha hatua hiyo.
Msemaji wa Polisi wa Queensland alisema walikuwa na imani kuwa wangeweza kusimamia njia mpya iliyopendekezwa kwa usalama na walishukuru haki ya watu ya kuandamana “bila kuleta hatari kwa usalama wa umma au usumbufu mkubwa.”
Jumapili alasiri, feri zilikuwa zimejaa kabisa na mitaa ya jiji la Brisbane ilikuwa imejaa watu maelfu ya waandamanaji walikusanyika kwenye Queens Garden katikati ya jiji kabla ya kufuata njia mbadala iliyokubaliwa juu ya Daraja la Victoria.
Msemaji wa Kundi la Harakati za Palestina huko Sydney, Josh Lees, alisema harakati hii ilikuwa “kubwa zaidi kuliko ilivyowahi kuwa.”
Waandamanaji 100,000
Waandaaji walitarajia hadi watu laki moja wangejitokeza kote Australia, ikiwa ni ongezeko kutoka kwa takwimu za awali za watu 90,000 hadi 300,000 walioshiriki maandamano ya Daraja la Sydney Harbour mapema mwezi Agosti, ambayo walisema ilikuwa ni ishara ya uungaji mkono mkubwa kwa Palestina.
Maandamano yalianza kutokea kuanzia saa 6 mchana katika kila jiji kuu, pamoja na maeneo ya mikoa kama Shepparton, Geraldton, Coffs Harbour, Katoomba na Pine Gap, baadhi ya maeneo hayo yakifanya maandamano ya kwanza ya kuunga mkono Palestina.
“Maandamano ya Daraja la Sydney yamezalisha msukumo mkubwa kote nchini,” alisema Lees. “Kile tunachoshuhudia ni mafuriko ya msaada kwa Palestina na upinzani dhidi ya mauaji haya ya kimbari.”
Harakati hizi zilijiri siku chache baada ya Umoja wa Mataifa kuthibitisha kuwa kuna baa la njaa katika baadhi ya maeneo ya Ukanda wa Gaza kwa mara ya kwanza, huku utawala wa Israel ukishadidisha ukandamizaji wake dhidi ya Wapalestina wa eneo hilo.
Zaidi ya Wapalestina 62,300 wameuawa huko Gaza kufuatia vita vya mauaji ya kimbari vinavyotekelezwa na utawala wa Israel. Wanawake, watoto na wazee ndio waliouawa na kujeruhiwa zaidi katika mashambulizi hayo ya Israel yaliyoanza Oktoba 7, 2023.
Takwimu kutoka kwenye hifadhidata ya ujasusi ya kijeshi ya Israel zinaonyesha kwamba watano kati ya sita ya Wapalestina waliouawa na jeshi la Israel huko Gaza walikuwa raia, kiwango cha mauaji ambacho kimekuwa kikitokea mara chache katika vita za karibuni.
Australia ichukue hatua zaidi
Huko Canberra, seneta huru kwa ACT, David Pocock alikuwa miongoni mwa wazungumzaji.
“Kama nchi yenye nguvu ya kati, tunaweza na lazima tuchukue hatua zaidi,” alisema. “Hili ni jambo ambalo nimesikia kutoka kwa watu wa Canberra kwa masuala mengine yote katika miaka mitatu iliyopita.
“Watu wanajali. Watu wanajali kwa dhati, na wanataka serikali itakayokuwa tayari kusikiliza na kuchukua hatua.”
Huko Sydney, mwandishi na mtaalamu wa wakimbizi Grace Tame, mwandishi wa habari Antoinette Lattouf na rais wa Shirikisho la Walimu la NSW, Henry Rajendra walihutubu kabla ya kuandamana hadi Hifadhi ya Belmore, huku huko Hobart, meya wa mji Anna Reynolds na mbunge huru wa shirikisho Andrew Wilkie walikuwa miongoni mwa waliokuwa wakiongoza waandamanaji.
Huko Melbourne, waandamanaji walikusanyika kwenye Maktaba ya Jimbo la Victoria kabla ya kuandamana hadi bunge la jimbo kupitia Stesheni ya Flinders Street, wakivutia umati mkubwa kiasi kwamba washiriki waliripoti ugumu wa kufikia mtandao wa simu.
Kiongozi Msaidizi wa Chama cha Greens, Mehreen Faruqi, alikuwa miongoni mwa waliowaambia waandamanaji.
Msimamo wa serikali ya Australia
Hayo yanajiri wakati ambao Australia imeikosoa Israel kwa kubatilisha visa za mabalozi wake waliokuwa na mamlaka kwa Mamlaka ya Wapalestina, hatua iliyotambuliwa kama ulipizaji kisasi baada ya Canberra kukataa kumkaribisha mwanasiasa wa mrengo wa kulia wa Israel.
Australia ilikuwa imempiga marufuku Simcha Rothman, mwanasiasa mwenye misimamo mikali aliye karibu na muungano wa Netanyahu, ambaye ameunga mkono waziwazi mauaji ya kimbari dhidi ya Wapalestina.
Aidha Waziri mkuu wa Australia Anthony Albanese amepuuza shutuma za Benjamin Netanyahu Waziri Mkuu wa utawala ghasibu wa Israel dhidi ya uamuzi wa nchi hiiyo wa kulitambua taifa la Palestina, na kusema anawaheshimu viongozi wa nchi nyingine.
Awali Waziri Mkuu wa ghasibu wa Israel alimshutumu mwenzake wa Australia kwa "kuisaliti Israel" na "kutelekeza" jamii ya Wayahudi wa Australia, baada ya siku za mzozo unaoongezeka kati ya nchi hizo mbili.
Waziri Mkuu wa Australia alitangaza kuwa, Canberra italitambua taifa la Palestina kwenye mkutano ujao wa Baraza Kuu la Umoja wa Mataifa mwezi ujao wa Septemba.
3494367
