IQNA

Hija

Saudia ina mpango wa mafunzo ya kuboresha huduma kwa Mahujaji

22:57 - May 13, 2024
Habari ID: 3478815
IQNA - Mpango umezinduliwa nchini Saudi Arabia ili kuimarisha na kuboresha ujuzi wa wafanyakazi wanaohudumia waumini wanaoshiriki ibada za Hija  na Umrah.

Wizara ya Hijja na Umrah Saudia imezindua, iliyopewa jina la Rafid Al-Haramain, kwa ushirikiano na Chuo Kikuu cha Umm Al-Qura cha Makka.

Kama sehemu ya mpango wa Rafid Al-Haramain, wafanyakazi 100,000 katika sekta za umma, za kibinafsi, na zisizo za faida watapewa mafunzo ili kuhakikisha kwamba huduma wanazotoa ni za ubora wa juu na kuacha hisia chanya ya kudumu kwa Mahujaji.

Programu nne tofauti za mafunzo zinapatikana, na wanaofunzwa watafaidika kutokana na utaalamu bora wa ndani na kimataifa, Shirika la Habari la Saudia liliripoti.

Hija ni safari ya kwenda Makka ambayo kila Mwislamu mwenye uwezo wa kimwili na uwezo wa kifedha analazimika kuitekeleza angalau mara moja katika maisha yake.

Hija ni moja ya nguzo za Uislamu na huwa ni mjumuiko mkubwa zaidi wa aina yake duniani. Pia ni dhihirisho la umoja wa Waislamu na kujisalimisha kwao kwa Mwenyezi Mungu.

Hija ya mwaka huu inatarajiwa kuanza kati ya Ijumaa, Juni 14, 2024, hadi Jumatano, Juni 19, 2024.

3488312

Kishikizo: hija saudia
captcha