Msomi: Wamagharibi waanza kukiri kutoweka maadili ya kiroho, wataka kurejea katika mizizi

IQNA - Wamagharibi wameanza kutambua upotevu wa maadili ya kiroho katika miongo kadhaa iliyopita, na kuwafanya kuanza kurejea katika mizizi yao kitamaduni, amesema mhadhiri mkuu katika Chuo cha Kiislamu cha London.

"Kumekuwa na ongezeko la kutofuata dini katika nchi za Magharibi lakini sasa kuna harakati za kurejea katika," Dk. Rebecca Masterton alisema katika hotuba yake kwenye warsha ya mtandaoni ya "Familia Bora na Changamoto za Kisasa", iliyofanyika leo Jumamosi, Julai 27, 2024.

"Maadili ya kiroho yalitoa msingi wa udugu katika nchi mbalimbali za Ulaya na lakini kwa kukuza jamii inayozidi kupenda utajiri wa kidunia hatimaye jamii na tamaduni za Ulaya zimesahau sana hali ya kiroho ni nini," alikumbusha.

"Hii inaanza kubadilika kidogo kwa sababu, hivi sasa watu wa Magharibi wanaanza kutambua walichotupa na wanaanza kujaribu kurejea mizizi yao ya kitamaduni na kiroho," alisema, na kuongeza, "mizizi hii ya kitamaduni na kiroho hata inarudi nyuma kabla ya kuja kwa Ukristo.”

Semina hiyo iliyoandaliwa kwa ushirikiano  na Makamu wa Rais wa Iran anayeshughulikia masuala ya Wanawake na Familia, imelenga kuchunguza umuhimu wa harakati za kimataifa za kukuza familia.

Dk. Ensieh Khazali, Makamu wa Rais wa Iran katika masuala ya Wanawake na Familia, na Dk Maryam Ardebili, Mkuu wa Idara ya Masuala ya Wanawake na Familia katika Manispaa ya Tehran, watashiriki ana kwa ana na kuhutubu kwenye semina hiyo. Wanazuoni wa kimataifa watakaohutubia kwa njia ya mtandano ni Dk.Rebecca Masterton, mhadhiri mwandamizi wa Chuo cha Kiislamu cha London, Dk.Rabab al-Sadr, Rais wa Taasisi ya Imam al-Sadr, Dk Masoumeh Jafari, mkurugenzi wa Jameat Al'zahra nchini. Pakistan, na Dk. Rima Habib, mkurugenzi wa idara ya masuala ya wanawake ya Harakati ya Jihad Islami ya Palestina.

3489261