Upeo wa Mulk na Malakut kwa mujibu wa Qur’ani Tukufu

IQNA – Imebainishwa katika aya za Qur’ani Tukufu kwamba dunia hii ni mahali ambapo mwonekano wa mambo unadhihiri na akhera ni mahali pa kuteremshwa Malakut yao.

Kwa mujibu wa Aya ya 5 ya Surah Al-Hadid, “Ufalme (Mulk) wa mbingu na ardhi ni wake. Na mambo yote yanarejeshwa kwa Mwenyezi Mungu.”

Na katika Aya ya 75 ya Surah Al-Anaam, Malakut yao imetajwa:

“Na kadhaalika tulimwonyesha Ibrahim ufalme (Malakut) wa mbingu na ardhi, na ili awe miongoni mwa wenye yakini. “

Kwa hivyo kuna Mulk na kuna Malakut ya mbingu na ardhi.

Hapa kuna aya zingine mbili zinazozungumza juu ya Mulk na Malakut:

“Ametukuka ambaye mkononi mwake umo Mulk (Ufalme), Yeye ni Muweza wa kila kitu.” (Aya ya 1 ya Surah Al-Mulk).

“Basi Ametakasika yule ambaye mkononi mwake umo Ufalme (Malakut) wa kila kitu; na kwake Yeye mtarejeshwa.” (Aya ya 83 ya Surat Yasin)

Kwa hivyo inaweza kudokezwa kutokana na aya hizi na nyinginezo kwamba ulimwengu huu ni ulimwengu wa Mulk ambapo mwonekano wa mambo hudhihirika huku ulimwengu ujao ndipo Malakut yao inapofichuliwa.

Bila shaka, kweli hizi pia zipo katika maisha ya dunia hii au zimeumbwa kupitia matendo yetu lakini hatuwezi kuziona kutokana na kizuizi cha uzembe. Katika siku zijazo, hata hivyo, vikwazo vinaondolewa:

“Hakika ulikuwa umeghafilika nayo, lakini sasa tumekuondolea pazia lako, basi macho yako leo ni makali.” (Aya ya 22 ya Surah Qaaf)

3487057