Sherehe yafanyika Kuwait kuwatunuku washindi wa Mashindano ya Qur'ani

IQNA – Washindi wa mashindano ya tuzo za Qur’ani nchini Kuwait walitunukiwa zawadi katika sherehe iliyofanyika katika mji mkuu wa nchi hiyo siku ya Jumanne.

Sekretarieti ya Wizara ya Mambo ya Kiislamu ya Kuwait iliandaa mashindano hayo kwa ushirikiano na jumuiya ya ushirika ya Al-Yarmouk na Taasisi za Ubora wa Kibinadamu.

Kwa mujibu wa katibu wa sekretarieti hiyo, Nasser Al-Hamed, mashindano kama haya ni hatua ya kuelekea katika kusoma na kuitukuza Qur’ani Tukufu pamoja na kuimarisha imani kwa kizazi kipya kwa msaada wa zaidi ya taasisi 50 za serikali na za kitaifa zinazounga mkono miradi ya Qur’ani.

Mashindano hayo yalihusisha makundi yote ya umri, na sekretarieti itaendelea kuyaunga mkono matukio kama haya ya Qur’ani, alisema.

Al-Hamed aliongeza kuwa haya ni mashindano ya kwanza ya aina yake kufanyika Kuwait, kwani yaliwahusisha washindi wa mashindano ya ndani ya nchi na yale ya Ramadhani kutoka mataifa mbalimbali walioko ndani ya Kuwait mwaka 2024.

3492804