Mkutano kuhusu ujenzi wa Misikiti na Husseiniya nchini Kuwait

IQNA – Mkutano wa kwanza wa timu iliyo na jukumu la kupanga ujenzi wa Husseiniya (kumbikidini katika madhehebu ya Shia) na Misikiti nchini Kuwait ulifanyika Jumatatu.

Naibu Waziri Mkuu wa Kwanza na Waziri wa Mambo ya Ndani wa Kuwait, Sheikh Fahad Al-Yousef Al-Sabah, aliongoza mkutano huo.

Amesisitiza kuwa juhudi hizi zinaakisi maono ya nchi ya kuboresha shughuli za kidini huku zikihakikisha kutii sheria na kanuni, ilieleza idara ya mambo ya ndani katika taarifa.

Zaidi ya hayo, alisema jitihada hizi pia zitasaidia kudumisha maadili ya kidini na ya kibinadamu na kulinda hadhi ya Kuwait katika ngazi za kikanda na kimataifa.

Taarifa hiyo iliongeza kuwa mkutano huu unafuata miongozo ya uongozi wa Kuwait, ukilenga kuweka taratibu wazi na viwango vya juu kwa ajili ya kutoa vibali na kupanga mashirika haya ya kidini. Lengo ni kuongeza athari zao chanya na kuboresha jukumu lao katika kuhudumia jamii.

Mkutano huu unaonyesha kujitolea kwa Kuwait katika kupanga shughuli za kidini na za kiserikali, kulinda nafasi ya uongozi wa nchi hiyo na kudumisha sifa yake bora, kulingana na taarifa hiyo.

3494390