Wajumbe wa Baraza la Sera la Maonyesho ya Kimataifa ya Qur’ani Tehran watangazwa

IQNA – Waziri wa Utamaduni na Mwongozo wa Kiislamu wa Iran ametangaza jina la mwenyekiti wa Maonyesho ya 33 ya Kimataifa ya Qur’ani mjini Tehran, pamoja na wajumbe wengine wa baraza la kutunga sera za hafla hiyo.

Katika sehemu ya taarifa yake, waziri Seyed Abbas Salehi alisema: “Kwa idhini ya Mwenyezi Mungu, Maonyesho ya Kimataifa ya Qur’ani, ambayo ni tukio kubwa zaidi la kila mwaka la Qur’ani Tukufu nchini na moja ya matunda yenye baraka ya Mapinduzi ya Kiislamu, yatakuwa mahali pa kudhihirisha huduma nyingi za taasisi za Qur’ani na jukwaa la sanaa, utafiti na kazi mbalimbali za Qur’ani, kwa juhudi zenu na za wenzenu wenye heshima.” Kwa mujibu wa dikrii ya waziri Hujjatul-Islam Hamidreza Arbabsuleimani ni mwenyekiti wa Baraza la Sera la Maonyesho ya 33 ya Kimataifa ya Qur’ani Tukufu ya Tehran

Aidha, waziri Salehi aliwateua Ayatullah Mohsen Qomi (Mkuu wa Mahusiano ya Kimataifa katika Ofisi ya Kiongozi Muadhamu wa Mapinduzi ya Kiislamu); Hujjatul Islam Mohammad Javad Haj Ali Akbari (Mwenyekiti wa Baraza la Sera la Maimamu wa Sala ya Ijumaa); Hujjatul Islam Mohammad Qomi (Mkuu wa Shirika la Maendeleo ya Kiislamu); Hujjatul Islam Mohammad Mehdi Imanipour (Mkuu wa Shirika  la Utamaduni na Mahusiano ya Kiislamu); Seyed Ali Moghadam (Mkuu wa Mahusiano ya Umma katika Ofisi ya Kiongozi wa Mapinduzi ya Kiislamu); Ali Reza Zakani (Meya wa Tehran); Hossein Entezami (Mkuu wa Usimamizi na Maendeleo ya Rasilimali katika Wizara ya Utamaduni); Hujjatul Islam Seyed Mehdi Khamoushi (Mkuu wa Shirika la Awqaf na Mambo ya Hisani); pamoja na Ahmad Masjedjamei, Mohammad Ali Khajehpiri, Mohammad Reza Pourmoin, na Maryam Haji Abdolbaqi, kama wajumbe wa Baraza la Sera la Maonyesho ya 33 ya Kimataifa ya Qur’ani Tukufu mjini Tehran.

Maonyesho ya Kimataifa ya Qur’ani mjini Tehran hufanyika kila mwaka katika mwezi mtukufu wa Ramadhani chini ya Wizara ya Utamaduni na Mwongozo wa Kiislamu ya Iran. Hafla hii hujumuisha vipindi maalumu, warsha za kielimu, makongamano ya Qur’ani, na shughuli mahsusi kwa watoto na vijana, kwa lengo la kueneza dhana na shughuli za Qur’ani.

Aidha, maonyesho haya hutumika kama jukwaa la kuonyesha mafanikio ya hivi karibuni ya Qur’ani nchini Iran na bidhaa mbalimbali zinazolenga kuendeleza na kutukuza Kitabu Kitukufu cha Mwenyezi Mungu.

3495898