Malipo kwa kuingia katika nyanja zinazowaghadhibisha makafiri
Hapo zamani vita mara nyingi vilipiganwa katika mipaka ya nchi, lakini mapambano ya zama hizi hayabaki tena ndani ya mipaka ya kijiografia. Uwanja wa vita umebadilika kabisa. Leo watu wote kwa namna fulani wanahusishwa katika mapambano haya; tukio linapotokea au mlipuko unatokea, athari zake huwafikia watu wengi.
Aya ya 120 ya Suratu At‑Tawbah inarejea aina mbalimbali za juhudi na malipo yake:
“Haiwafalii watu wa Madina na Mabedui walio jirani zao kubakia nyuma wasitoke na Mtume, wala kujipendelea nafsi zao kuliko yeye. Hayo ni kwa kuwa hakiwapati kiu, wala machofu, wala njaa, kwa ajili ya Njia ya Mwenyezi Mungu, wala hawendi mahali panapo waghadhibisha makafiri, wala hakiwapati chochote kutokana na maadui, ila huandikiwa kuwa ni kitendo chema. Hakika Mwenyezi Mungu haupotezi ujira wa wanao fanya mema..”
Kuitazama aya hii katika hali za zama hizi kunahusisha juhudi nyingi za watu:
1. Watu wa kawaida wanaopata kiu, njaa au wanavumilia mashaka na taabu katika njia hii.
2. Watu wenye ari ya mapambano ambao kwa kukusanyika katika viwanja au kufanya maandamano barabarani huchukua hatua zinazowaghadhibisha makafiri.
3. Wapiganaji wa Uislamu walio katika nyuga za vita wakipambana na adui.
Mwenyezi Mungu Mtukufu huandika malipo kwa kila tendo lao. Imepokewa kwamba Jibril alimjulisha Mtume Muhammad (SAW) kwamba yeyote katika umma wake atakayetoka kwa jihadi katika njia ya Mwenyezi Mungu, kisha tone la mvua likamdondokea kichwani au akapatwa na maumivu ya kichwa, Mwenyezi Mungu humwandikia malipo ya shahidi.
Kwa hivyo, kila mtu anaweza kujitahidi katika nafasi yake. Hata wale walioguswa na woga au wasiwasi kutokana na mabomu ya adui au sauti za makombora ya kutungua ndege za adui, ikiwa watavumilia hali hizo kwa subira na uthabiti, basi nao hupata sehemu katika malipo ya mashahidi.
3496789
