Sanaa za Kiislamu za karne 15 katika maonyesho jijini Jeddah

IQNA – Nyumba ya Sanaa za Kiislamu jijini Jeddah, ambayo ni makumbusho ya kwanza nchini Saudi Arabia kujikita kikamilifu katika sanaa ya Kiislamu, huhifadhi zaidi ya vitu adimu 1,000 vya kihistoria vinavyosambaa katika kipindi cha karne 15 kutoka sehemu mbalimbali za ulimwengu wa Kiislamu — kuanzia China na India hadi Maghreb na Andalusia.

Mkusanyiko huo unaonyesha umahiri wa ufundi na ubunifu uliotokana na ulimwengu mzima wa Kiislamu.

Sehemu muhimu zaidi ni kitengo cha kaligrafia ya Kiarabu, ambacho huonyesha Misahafu na maandiko adimu ya Qur’ani Tukufu, yakidhihirisha namna uandishi ulivyokua na kuwa sanaa ya kiroho.

Miongoni mwa kazi mashuhuri ni kipande cha kitambaa chenye urefu wa mita 2.6 kilichoandikwa theluthi moja ya Qur’ani Tukufu kwa maandishi madogo sana, pamoja na hati nyingine ambapo kila herufi ina mojawapo ya Majina ya Mwenyezi Mungu.

Zaidi ya kaligrafia, makumbusho hayo pia yana vyombo vya kauri, nguo na vitambaa, sarafu, na vipengele vya usanifu majengo.

Kupitia maonesho ya kisasa ya maingiliano, maonesho ya muda, warsha, na mihadhara, makumbusho hayo hutumika kama alama hai na kituo cha utamaduni, kikiiunganisha turathi za zamani na vizazi vijavyo.

349840