Kituo cha Kiislamu cha Vienna Chaandaa Warsha ya ‘Ujiandae kwa Ndoa’

IQNA – Kituo cha Kiislamu cha Vienna, mji mkuu wa Austria, kimeandaa warsha iliyopewa jina la “Ujiandae kwa Ndoa”, kwa lengo la kuunda mazingira salama ya tafakuri na maandalizi ya kisaikolojia kabla ya kuingia katika ndoa.

Warsha hiyo ni kielelezo cha juhudi za kuwaandaa vijana wanaotarajia kufunga ndoa, kwa kuwapatia nyenzo za vitendo zitakazowasaidia kujenga maisha ya kifamilia yaliyo imara, yenye uelewa, utulivu na heshima ya pande zote, kwa mujibu wa tovuti ya Muslimsaroudtheworld.

Warsha ilijumuisha mada muhimu zinazohusiana na ujenzi wa familia yenye furaha na kudumu. Iliwasilisha mijadala ya wazi na ya kweli kuhusu mawasiliano, uwajibikaji, na kujenga uelewano kama msingi wa uthabiti wa maisha ya ndoa.

Vilevile, warsha iligusia masuala ya msingi yanayohusu maisha ya kindoa, yakiwemo mawasiliano yenye ufanisi, kukubali majukumu, kusimamia tofauti na changamoto, pamoja na kuweka mwelekeo wa pamoja baina ya wanandoa.

Habari inayohusiana:

• Mlingano na Kafa’ah katika Ndoa

Katika mazingira ya uwazi na kuaminiana, washiriki waliuliza maswali na kujadili changamoto za ndoa kwa uhalisia, utulivu na busara.

Warsha ilitoa fursa ya kubadilishana mawazo na kujitafakari binafsi, na kusaidia kuimarisha dhana ya kujiandaa kwa ndoa kwa uelewa kamili, ikiangaliwa kama ushirikiano unaohitaji kuelewana, kushirikiana daima, na kuzingatia maadili ya heshima, maelewano na mshikamano kama nguzo za maisha ya kifamilia yaliyo na mizani.

3496158