Watangazaji wa Kipindi cha Mahfel washiriki maadhimisho ya Milad-un-Nabi Nchini Pakistan

IQNA – Wenyeji kadhaa wa kipindi maarufu cha Mahfel kutoka Iran walialikwa kushiriki katika maadhimisho makubwa na ya muhimu zaidi ya kila mwaka ya kukumbuka kuzaliwa Mtume Muhammad (SAW) yaani Milad-un-Nabiinchini Pakistan.

Hamed Shakirnejad, Hassanein al-Helou, na Seyed Jalal Masoumi walihudhuria sherehe za Milad-un-Nabi, tukio linalotambuliwa kama ibada ya kitaifa na kidini yenye umuhimu mkubwa nchini Pakistan.

Ziara hii ni mara ya kwanza kwa wenyeji wa Mahfel kuonekana kimataifa tangu vita ya siku 12 iliyolazimishwa na utawala wa Israel na Marekani dhidi ya Iran, ambapo Pakistan ilisimama pamoja na Iran kwa msimamo thabiti na wa wazi.

Mwaliko huu maalum kwa wenyeji wa Mahfel umeipa hafla hiyo uzito wa kiishara zaidi.

Uwepo wa sura hizi mashuhuri kutoka kipindi cha Mahfel ulikuwa wa thamani kubwa kwa waandaaji, kiasi kwamba picha zao zilitumika kwenye mabango na matangazo ya mijini nchini Pakistan.

Mahfel, kipindi kinachojulikana kwa kuonesha usomaji wa Qur'ani na kueneza mafundisho ya Kiislamu, ni mfululizo wa televisheni kutoka Iran unaopendwa na watazamaji duniani kote.

Hutangazwa kupitia chaneli ya TV 3 ya Shirika la Utangazaki la Jamhuri ya Kiislamu ya Iran, IRIB, kila siku kabla ya magharibi wakati wa mwezi mtukufu wa Ramadhani, kikitoa utulivu wa kiroho kwa watazamaji wanapojiandaa kufuturu.

Kwa kuzingatia Qur'ani kama kiini cha kipindi, Mahfel hulenga kuimarisha muda mfupi wa mapumziko kwa wanaofunga kupitia mijadala yenye hekima na usomaji wa kuvutia.

Wapakistani, ambao huweka umuhimu maalum katika kusoma na kutafakari aya za Qur'ani Tukufu katika mwezi huu, wamesifu uzuri na hali ya kiroho ya usomaji wa wenyeji wa Mahfel.

Wamehimiza umuhimu wa vipindi kama hivi katika kuimarisha maadili ya Kiislamu ndani ya jamii.

3494512