Mkuu wa ICRO: Watawala wa Marekani wanaficha hofu yao
Hujjatul-Islam Mohammad Mehdi Imanipour alitoa kauli hiyo kupitia chapisho kwenye mtandao wa X, kwa mujibu wa ofisi ya mahusiano ya umma ya taasisi hiyo.
Akizungumzia maandamano makubwa ya hivi karibuni yaliyopewa jina la “Hakuna Wafalme” nchini Marekani na athari zake za ndani, alisema vyombo vya habari vya Marekani bado vinahangaika kudhibiti athari za maandamano hayo ya kipekee na ya kitaifa yaliyofanyika tarehe 18 Oktoba.
“Hali iko wazi,” alisema, akiongeza kuwa jamii ya Marekani inakabiliwa na migongano ya msingi na miundo ya kijamii, na mgogoro huo sasa unajitokeza wazi baada ya kuwa umefichika kwa muda mrefu.
Hujjatul-Islam Imanipour alisisitiza kuwa ni afadhali kwa watawala wa Marekani kuacha kuficha hofu na taharuki yao kuhusu vuguvugu la wananchi nchini humo.
Katika kile kilichoelezwa kuwa ni siku moja yenye maandamano makubwa zaidi katika historia ya taifa hilo, mamilioni ya waandamanaji walimiminika mitaani katika zaidi ya miji na vijiji 3,000 nchini Marekani tarehe 18 Oktoba, wakipinga sera za mrengo wa kulia za Rais Donald Trump.
Waandamanaji walimkosoa Trump, wakisema anajitokeza kama mfalme. Hata hivyo, maandamano hayo yalihusisha hasa wanasiasa wa chama cha Democratic, walimu, wanasheria, wanajeshi wastaafu na wafanyakazi wa serikali waliotimuliwa.
Watoto na bibi, wanafunzi na wastaafu pia walikuwepo miongoni mwa waandamanaji.
Walieleza hasira yao kuhusu uvamizi wa wahamiaji, kupelekwa kwa majeshi ya shirikisho katika miji, kufutwa kwa ajira za serikali, kupunguzwa kwa bajeti kwa kiwango kikubwa, kupokonywa kwa haki za kupiga kura, kufutwa kwa masharti ya chanjo, kubatilishwa kwa mikataba na makabila ya asili, pamoja na muswada wa Trump aliouita “Big Beautiful Bill” ambao waandamanaji walisema unawanufaisha matajiri wakubwa huku ukiikandamiza jamii nzima.
Wengi wa waandamanaji walishiriki maandamano kama hayo mwezi Juni, lakini idadi yao imeongezeka kwa kiasi kikubwa.
3495157
