Bendera ya Ghadir yakabidhiwa kwa Haram Tukufu ya Bibi Masoumeh (SA) mjini Qom
Hatua hiyo imefanyika katika muktadha wa shughuli za Wiki ya Kimataifa ya Ghadir, kwa mujibu wa tovuti ya Astan.
Karrar al‑Mousawi, mmoja wa maafisa wa Astan, amesema kuwa bendera ya Ghadir ilikabidhiwa kwa Hosseini Nejad, mshauri wa msimamizi au mfawidhi wa haram ya Bibi Masoumeh (SA), wakati wa kikao kilichohudhuriwa na idadi ya maafisa wa haram hiyo.
Katika kikao hicho, maandalizi ya kuandaa sherehe kwa mnasaba wa Eid al‑Ghadir yalijadiliwa na kutathminiwa, alieleza.
Ameongeza kuwa ujumbe huo pia ulitembelea Msikiti Mtukufu wa Jamkaran, ambapo ulipokelewa na msimamizi wa msikiti huo, Hujjatul‑Islam Ojaqnejad.
Kwa mujibu wa al‑Mousawi, ziara hiyo ilijumuisha mazungumzo na tathmini ya programu na shughuli za pamoja zitakazofanyika siku ya Eid al‑Ghadir.
Amesema pia kuwa ujumbe huo utatembelea Tehran na mji mtukufu wa Mashhad.
Shughuli za Wiki ya Kimataifa ya Ghadir, zinazoandaliwa kila mwaka na Haram ya Alawi kwa mnasaba wa Eid‑ul‑Akbar, zinasisitiza kuendelezwa kwa juhudi za haram hiyo katika kufufua na kuhuisha tukio hili lenye baraka kupitia programu zilizounganishwa za kidini, kitamaduni na huduma kwa jamii.
Tukio la Ghadir, au Eid al‑Ghadir, huadhimishwa na Waislamu wa madhehebu ya Shia kote duniani kila mwaka.
Ni miongoni mwa sikukuu muhimu na za furaha kwa Shia; huadhimishwa tarehe 18 Dhul‑Hijjah katika kalenda ya Hijri ya mwezi, ambayo mwaka huu inaangukia Alhamisi, Juni 4.
Ghadir ni siku ambayo, kwa mujibu wa riwaya, Mtume Mtukufu (SAW) alimwamuru/alimtangaza Ali ibn Abi Talib (AS) kuwa khalifa na Imam baada yake, kwa amri kutoka kwa Mwenyezi Mungu. Tukio hilo lililijiri katika eneo la Ghadir Khum baina ya Makka na Madina na kwa msingi huo siku hiyo inajulikana kama Eid ya Ghadir.
