UAE: Jumba la Makumbusho la Nuru na Amani Linaonyesha Turathi za Kiislamu, Hazina za Qur’ani
Makumbusho hayo yalizinduliwa Ijumaa na Sheikh Mansour bin Zayed, Makamu wa Rais, Naibu Waziri Mkuu, na Mwenyekiti wa Mahakama ya Rais, kwa mujibu wa The National News.
Jumba hilo la makumbusho linalenga kuwapa wageni fursa ya kuchunguza urithi wa utamaduni mbalimbali wa ustaarabu wa Kiislamu.
Lina mkusanyiko mkubwa wa maonyesho ya karne nyingi, ikijumuisha vitu vya sanaa muhimu kama vile sarafu ya kwanza ya dhahabu ya Kiislamu, sehemu ya Kiswa (kifuniko) cha Kaaba Tukufu, na kurasa zilizoangaziwa za dhahabu za Kurani ya Bluu.
Jumba hio la makumbusho lina kanda tano: Maadili ya Uvumilivu - Wingi wa Nuru; Utakatifu na Ibada - Misikiti Mitatu; Uzuri na Ukamilifu - Roho ya Ubunifu; Uvumilivu na Uwazi - Msikiti Mkuu wa Sheikh Zayed; na Umoja na Kuishi pamoja. Pia kuna eneo lililotengwa kwa ajili ya shughuli za familia na watoto.
Maudhui ndani ya jumba la makumbusho yanawasilishwa katika lugha saba, zikiwemo Kiarabu, Kiingereza, Kichina, Kihispania, Kifaransa, Kirusi na Kihindi, ili kuhakikisha ufikivu kwa hadhira ya kimataifa.
3490800
