Mpango wa Kitaifa wa Qur'ani wa Amir Al-Qurra wazinduliwa Iraq

IQNA – Jukwaa la Sayansi ya Qur'ani, linaloendeshwa na Idara ya Mfawidhi wa Haram Takatifu ya Hadhrat Abbas (AS) huko Karbala, Iraq, limezindua toleo la 9 la mpango wa kitaifa wa Qur'ani.  

Mpango huo, uitwao *Amir Al-Qurra* (mfalme wa wasomaji wa Qur'ani), unahusisha ushiriki wa wanafunzi wenye vipaji kutoka mikoa 16 ya nchi hiyo ya Kiarabu, alisema Muhammad Ridha al-Zubaidi, mkurugenzi mtendaji wa mpango huo,

Programu za kielimu za mpango huu zimeanza kwa warsha inayozingatia mazoezi ya sauti na upumuaji, kuwaandaa washiriki kuanza masomo yanayohusiana na usomaji na kuhifadhi Qur'ani, alieleza.  

Al-Zubaidi alifafanua kuwa jukwaa hilo limeandaa mpango wa kina kwa washiriki.  

Programu zinaanza asubuhi na kuendelea hadi jioni, akabainisha, akiongeza kuwa zinatekelezwa kulingana na mfumo wa hali ya juu unaowezesha maendeleo ya wanafunzi katika viwango mbalimbali.  

Aliendelea kusema kuwa mpango huo utafanyika kwa awamu tatu na utajumuisha mashindano, warsha za kitamaduni na kidini, pamoja na safari za burudani, makongamano ya Qur'ani, na vipindi vya masomo juu ya usomaji sahihi wa Qur'ani Tukufu.  

Shughuli za Qur'ani zimeendelea sana nchini Iraq tangu kuangushwa kwa aliyekuwa dikteta Saddam Hussein mnamo 2003.  

Katika miaka ya hivi karibuni, kumekuwa na ongezeko la programu za Qur'ani kama vile mashindano, vipindi vya kisomo, na programu za kielimu zinazofanyika nchini humo.  

3493280