Iraq yatangaza Siku ya 27 ya Rajab kuwa Siku ya Kitaifa ya Qur'ani

IQNA - Siku ya 27 ya mwezi wa Hijri wa Rajab iliteuliwa kuwa Siku ya Kitaifa ya Kurani Tukufu nchini Iraq.

Serikali ya Iraq imeidhinisha uamuzi huo katika kikao cha baraza la mawaziri siku ya Jumanne, Al-Furat News iliripoti.

Tarehe 27 Rajab ni Siku ya Mabaath, yaani siku ya kuteuliwa kwa Muhammad (SAW) kama nabii wa mwisho wa Mwenyezi Mungu.

Ilikuwa ni siku ambayo aya za kwanza za Qur'ani Tukufu ziliteremshwa kwa Mtukufu Mtume (SAW).

Iraq ni nchi ya kwanza kufanya jina hilo na kuongeza Siku rasmi ya Kitaifa ya Qur'ani Tukufu kwenye kalenda yake.

Shughuli za Qur'ani Tukufu zimeendelea kwa kiasi kikubwa nchini Iraq tangu kupinduliwa kwa dikteta wa zamani Saddam Hussein mwaka 2003.

Kumekuwa na mwelekeo unaokua wa programu za Qur'ani Tukufu kama vile mashindano, vipindi vya kisomo na programu za elimu zilizofanyika nchini katika miaka ya hivi karibuni.

Vikao vya usomaji wa Qur'ani Tukufu kwa ushiriki wa wasomaji Qur'ani kutoka Iraq na nchi nyinginezo hufanyika mara kwa mara katika miji mitakatifu ya Karbala, Najaf, Samarra na Kadhimiya nchini Iraq.

Mojawapo ya shughuli hizi ni programu ya kitaifa ya ufundishaji wa Qur'ani Tukufu ya Al-Kafeel ambayo inajumuisha kozi za usomaji wa Qur'ani Tukufu, usomaji, Waqf na Ibtida, na sayansi ya Qur'ani Tukufu.

3487031