Warsha ya kuhifadhi Qur’ani yaanza Karbala, Iraq
Akionyesha umuhimu wa kueneza utamaduni wa Qur’ani miongoni mwa makundi mbalimbali ya jamii, Wael Al-Kuriti, mkuu wa Kituo cha Elimu ya Qur’ani cha Idara ya Mfawidhi wa Haram Takatifu ya Imam Hussein (AS), alisema kuwa lengo la warsha hii ni kuandaa walimu wapya wa somo la kuhifadhi Qur’ani ambao wanajua mbinu mpya na njia tofauti za kufundisha.
Kwa mujibu wa Wassam Nadhir al-Delfi, mkuu wa Kituo cha Habari za Qur’ani Idara ya Mfawidhi, idadi ya washiriki katika kozi hii, kwa sehemu za wanaume na wanawake, ni zaidi ya 70.
Alisema washiriki wa warsha hii wanatoka mikoa mingi ya Iraq, wakiwakilisha matawi ya Dar al-Quran Idara ya Mfawidhi wa Haram Takatifu ya Imam Hussein (AS)na taasisi nyingine za Qur’ani.
Sherehe ya ufunguzi wa warsha hii ilianza kwa usomaji wa mistari ya Qur’ani na Hussein Zuhair Al-Husseini, msomaji maarufu wa Iraq, kisha Sheikh Khairuddin Ali Al-Hadi, mkurugenzi wa Kituo cha Qur’ani cha Idara ya Mfawidhi wa Haram Takatifu ya Imam Hussein (AS), aliweka hotuba akisisitiza kuwa Astan itajitahidi kwa hali na mali kutumikia wanaharakati wa Qur’ani.
Akionyesha kuwa kukariri ndicho chombo cha kwanza kinachotumika kueneza Qur’ani kwa vizazi vijavyo, alisema baada ya kukariri huja hatua ya kuandaa na kuweka alama za tahajia, hivyo kukariri Kitabu cha Mwenyezi Mungu ni muhimu sana kwa watu wa Qur’ani.
Kwa mujibu wa Hafiz Ali Hadi, mlezi wa warsha hii, kozi itadumu kwa miezi sita, kwa njia ya ana kwa ana na pia mtandaoni.
4294879
