Waumini milioni 52 watembelea Misikiti Mitakatifu ya Makkah na Madina mwezi uliopita

IQNA – Karibu wamilioni 53 za ziara zilirekodiwa katika Msikiti Mkuu wa Makkah na Msikiti wa Mtume huko Madina katika mwezi mmoja uliopita wa Hijria Qamaria.

Mamlaka Kuu ya Huduma za Masuala ya Msikiti Mkuu, Masjid al Haram wa Makkah na Msikiti wa Mtume (SAW), Al Masjid an Nabawi, ilitangaza Jumamosi kwamba jumla ya idadi ya waumini na wageni waliotembelea Misikiti Miwili Mitukufu katika mwezi wa Safar 1447 ilifika 52,823,962. Kwa mujibu wa mamlaka hiyo, waumini 21,421,118 walifanya ibadakatika Msikiti Mkuu wa Makkah, ikiwa ni pamoja na waumini 51,104 waliokuwa ndani ya Hijr Ismail (Al-Hatim). Idadi ya waumini wa Umrah waliorekodiwa katika mwezi huo ilikuwa 7,537,002.

 Katika Msikiti wa Mtume, idadi ya waumini ilifikia 20,621,745, ikiwa ni pamoja na 1,188,386 waliokuwa katika Rawdah Al-Sharifah. Mamlaka hiyo imesema inatumia teknolojia ya kisasa ya sensa kufuatilia idadi ya waumini na waumini wa Umrah wanaoingia kupitia milango kuu ya Msikiti Mkuu wa Makkah na Msikiti wa Mtume. Mfumo huu unasaidia kuboresha ufanisi wa kiutendaji, kudhibiti mtiririko wa umati, na kusaidia uratibu na mashirika washirika yanayosimamia maeneo hayo.

3494429