Waumini kutoka kote ulimwenguni waujaza Msikiti Mkuu wa Makka Ijumaa ya Kwanza ya Ramadhani

IQNA – Bahari kubwa ya waumini ilijaza Msikiti Mtukufu wa Makka (Masjid al-Haram) siku ya Ijumaa, walipokusanyika kwa ajili ya swala ya Ijumaa ya kwanza katika mwezi mtukufu wa Ramadhani.

Msikiti Mkuu ulishuhudia wingi mkubwa wa waumini Ijumaa, huku waumini kutoka pembe zote za dunia wakijaza kumbi na nyua zake tangu asubuhi na mapema, kwa mujibu wa taarifa ya Shirika la Habari la Saudi (SPA).

Ili kuhudumia umati huo mkubwa, mamlaka husika zilitekeleza mipango kamili ya kiusimamizi, ikijumuisha usimamizi mzuri wa misongamano, usafi wa mazingira, pamoja na huduma za uelekezi kwa waumini.

Juhudi hizi za vitendo zilihakikisha mtiririko mzuri wa harakati, na kuwawezesha waumini kutekeleza ibada zao kwa utulivu na wepesi.

Mkusanyiko huu wa kiroho uliithibitisha tena nafasi ya Msikiti Mkuu wa Makka kama moyo unaounganisha Umma wa Kiislamu duniani, na ukaangazia jitihada zinazoendelea za kuwapatia wageni wa Nyumba Tukufu ya Allah mazingira ya kipekee yaliyojaa amani na utulivu wa nafsi.

Ramadhani ni mwezi wa tisa na mtukufu zaidi katika kalenda ya Kiislamu, ambapo Waislamu hukumbuka kushushwa kwa Qur’ani Tukufu kwa Mtume Muhammad (rehema na amani zimshukie yeye na familia yake).

Katika mwezi huu mtukufu, Waislamu hufunga kuanzia alfajiri hadi machweo ya jua, wakijizuia na kula, kunywa, kuvuta sigara na mengine yote yaliyokatazwa katika mwezi huu mtukufu.

Aidha, huongeza juhudi katika swala, sadaka na matendo mema, wakitafuta kuimarisha imani yao na kuisafisha mioyo yao kwa ajili ya kumkaribia Mwenyezi Mungu.

3496490