IQNA

Wanazuoni Mashuhuri wa Ulimwengu wa Kiislamu /7

Saher Al-Kabi; Mwanakaligrafia wa Msahafu wa Msikiti wa Al-Aqsa

20:41 - November 26, 2022
Habari ID: 3476150
TEHRAN (IQNA) - Saher al-Kabi ni mwandishi wa kisasa wa Palestina ambaye kazi zake nyingi zina maandishi matakatifu ambapo kaligrafia ya Msahafu wa Msikiti wa Al-Aqsa Mus'haf ni shughuli yake kuu ya kisanii katika kutumikia Qur'ani Tukufu na Uislamu.

Kaligrafia ya Kiarabu kimsingi ni fani ya kuandika herufi za Kiarabu kwa mkono kwa mtindo bora zaidi wenye mvuto na wa aina yake.

 Sanaa hii inatumika katika kupamba misikiti, majumba,  vitabu, haswa Qur'ani Tukufu na maandishi ya kidini.

Saher al-Kabi ni msanii wa Kipalestina ambaye alijifunza sanaa ya kaligrafia ya Kiarabu wakati alipokuwa akiisi Baghdad, Iraq, kwa miaka saba. Huko, alijifunza sheria na kanuni za kaligrafia ya Kiarabu chini ya usimamizi mmoja wa waandishi maarufu wa ulimwengu wa Kiarabu, Abbas al-Baghdadi.

Saher alipokea cheti cha Kaligrafia ya Kiarabu kabla ya kurejea katika nchi yake.

Kati ya kazi zake maarufu za kaligrafia ni kuandika 'Msahafu wa Dubai' na sehemu ya 'Msahafu wa Sham' na pia baadhi ya mashairi ya Mahmoud Darwish ambayo yanaonyeshwa kwenye jumba lake la makumbusho katika mji wa Ramallah.

Saher pia ametoa zawadi nyingi za kazi zake kwa ulimwengu wa Kiislamu, ikiwa ni pamoja na ile muhimu zaidi, yaani 'Msahafu wa Msikiti wa Al-Aqsa' (Msahafu wa kitaifa wa Palestina).

Alisema wino alioutumia kwa maandishi ya Msahafu haukuwa na asidi yoyote ili kudumisha ubora wa kazi hiyo na karatasi iliyotumika pia ni miongoni mwa bora zaidi.

Saher Al-Kabi; Calligrapher of Al-Aqsa Mosque Mus’haf

Msahafu wa Msikiti wa Al-Aqsa umeandikwa kwa maandishi ya Othman Taha. Saher ilianza upigaji picha wake akiwa na umri wa miaka 40 na kazi hiyo inachukuliwa kuwa mafanikio makubwa na ishara ya uhuru wa taifa la Palestina.

Saher alichaguliwa rasmi na Rais wa Mamlaka ya Ndani ya Palestina Mahmoud Abbas mwaka 2014 kufanya kazi hiyo. Baada ya miezi minane ya maandalizi, alianza kazi hiyo na kukamilisha Mus’haf mwishoni mwa 2019.

Msahafu wa Msikiti wa Al-Aqsa  unachukuliwa kuwa urithi wa kipekee wa kitamaduni

Jina:
Baruapepe:
* maoni:
captcha