‘Qari Karim Mansouri asema Qur'ani Tukufu huleta utulivu kwenye maisha
“Kuishi maisha yanayoongozwa na Qur'ani huleta hali ya aina yake ambayo haiwezi kuelezeka kikamilifu kwa maneneo; utulivu ambao Qur'ani huleta katika maisha ya mtu hauwezi kuelezeka,” qari huyu mwenye umri wa miaka 56 aliiambia IQNA katika mahojiano maalum.
"Wakati wa uchovu na kukata tamaa, ambayo ni asili ya viumbe vyote vilivyo hai, tunaelekea kwenye Qur'an kwa ajili ya faraja," alisema, na kuongeza kuwa kuwakumbuka Ahlul-Bayt (AS), usomaji wa Qur'ani, na kutafakari juu ya aya zake huleta faraja kubwa.
Karim Mansouri, ambaye sasa ni qari na muadhini katika Haram Tukufu ya Imam Ali (AS) huko Najaf, alibainisha kuwa Qur'ani inaondoa hali ya kukata tamaa.
"Qur'ani imetufungulia uwanja mpya, inatuwezesha kuelewa mataifa mengine. Inatupa elimu kuhusu yaliyopita, yaliyopo na yajayo,” alisema na kuongeza, “Kama Amirul-Mu’minin (AS) alivyosema, Qur'ani inatufahamisha kuhusu yaliyopita ili kutuelimisha, juu ya sasa ili kutuongoza, na. kuhusu wakati ujao ili kusitawisha tumaini kama inavyotuhakikishia uhalisi wa ufufuo.”
Qur'ani imefafanua vipengele vitatu vya wakati ambavyo hapo awali vilikuwa havijulikani kwa wanadamu, alisema qari huo mtajika. “Yeyote anayeelewa kwa kweli mafundisho haya hatahisi tena utupu, kuvunjika moyo, au kuchoka, kwa kuwa anajua kwamba lengo kuu ni uadilifu, na kuna Mwenyezi Mungu ambaye huona na kujua yote.”
Amebainisha kuwa kuna vipengele kadhaa vinavyoathiri jinsi watu wanavyofungamana na Qur'ani.
“Kizuizi kikuu kinachotuzuia kuikumbatia Qur'ani ni janga kubwa la dhambi. Dhambi inawakilisha giza na huwa na mwisho mbaya katika hali ambayo Qur'ani inaashiria nuru,” alisema. "Hizi mbili haziendani."
"Kwa hiyo, ikiwa dhambi imefanywa, tunapaswa kuitakasa mara moja kwa machozi, huzuni, na toba, na kutengeneza njia ya ufahamu wa kina wa Qur'ani na kukuza uhusiano wa karibu nayo," Qari Mansouri aliongeza.
Aliwausia wale wanaopenda kuifahamu Qurani waingie katika tafsiri yake. Wanapaswa "kuhifadhi Qur'ani, kwa kuwa furaha inayotokana na kukariri haipatikani katika kisomo tu," aliongeza.
Ikiwa mtu atahifadhi Qur'ani na kutumia mafundisho yake katika maisha yake yote, anapata maisha yenye kuridhisha, Mansouri alisema.
"Usife moyo katika jitihada hii," alibainisha, akimnukuu mwanazuoni mashuhuri wa Kiislamu ambaye aliweza kuhifadhi Quran katika miaka ya tisini.
“Furaha ya kuhifadhi haipatikani katika kisomo, na furaha katika tafsiri haiko katika kuhifadhi au qiraa. Furaha ya kuishi kwa kutekeleza mafundisho ya Qur'ani inazidi haya yote,” alisisitiza qari.
"Tunapojumuisha Mwenyezi Mungu katika kila nyanja ya maisha yetu, maisha huwa ya kupendeza sana hivi kwamba hayaelezeki," alisema.
4214113
