Msafara wa Qur’ani wa Arbaeen wa Imam Ridha (A.S.) umeanza kuendesha vipindi vya Qur’ani mjini Najaf

IQNA – Kutokana na kuwasili kwa mazuwar au wafanyaziara wa Arbaeen, vipindi vya Qur’ani vya Msafara wa Qur’ani wa Arbaeen wa Imam Ridha (A.S.) vimeanza katika mji mtakatifu wa Najaf, Iraq.

Timu ya kwanza ya msafara huu imepangiwa katika mji wa Najaf kwa ushirikiano wa Baraza Kuu la Qur’ani la Iran na Kamati ya Wageni na Kutuma Wasomaji wa Qur’ani.

Katika vipindi hivi, wasomaji wa Qur’ani (Maqari) mashuhuri na wenye sifa za kimataifa wanasoma Qur'ani, jambo linaloongeza mazingira ya kiroho katika msafara wa Arbaeen.

Kwa mujibu wa mpango uliowekwa, baada ya kukamilika kwa programu hizo mjini Najaf, shughuli za msafara huu zitaendelea katika mji mtakatifu wa Karbala.

Lengo kuu la msafara huu ni kueneza utamaduni wa Qur’ani na mafundisho ya Ahlul-Bayt (AS), kuimarisha hali ya kiroho katika msafara wa Arbaeen, na kuwapa mazuwar wengi zaidi nafasi ya kufaidika na mafundisho yenye nuru ya Qur’ani Tukufu.

Wanachama wa msafara huo ni pamoja na: Seyed Mohammad Hosseinipour, Amir Hossein Rahmati, Seyed Hamid Reza Moqaddasi, Seyed Mostafa Hosseini, Vahid Karami, Jamshid Surgi, Mohammad Ali Karimi, Nasser Qarakhani, na Mohsen Emami.

3498471