Mwanazuoni: Mashindano ya Qur'ani yanakuza mafunzo Kiislamu

IQNA – Mashindano ya Kitaifa ya Qur'ani ya Iran, hasa sehemu yake ya maarifa, yana jukumu muhimu katika kukuza mafundisho ya Kiislamu miongoni mwa wananchi, amesema mwanazuoni.

Hujjatul Islam Mohammad Hossein Rafiei, ambaye alihudumu kama mshiriki wa jopo la majaji katika sehemu ya maarifa ya Toleo la 47 la Mashindano ya Kitaifa ya Qur'ani ya Iran, alitoa kauli hiyo katika mahojiano na Shirika la Habari za Qur'ani la Kimataifa (IQNA)

Alisifu pia kujumuishwa kwa kategoria ya maarifa katika mashindano yajayo ya kimataifa ya Qur'ani ya Iran na akasema inatoa uwezo mkubwa wa kutambua wasomi katika Umma wa Kiislamu ambao wanaweza kuendeleza mafundisho ya Kiislamu ya mchakato wa Mapinduzi ya Kiislamu.

Amesema kuwa uwanja huu peke yake una uwezo wa kuvutia wale ambao wanaweza kuleta athari duniani kupitia dhana ya Jihad ya Tabyeen (mapambano ya kueleza) katika muktadha wa Qur'ani.

Kwa kuongezwa kwa uwanja huu, watu kutoka nchi mbalimbali wanaweza kutambuliwa na kufundishwa kuwa sauti ya Qur'ani ulimwenguni kote, aliongeza Hujjatul Islam Rafiei mkurugenzi  ambaye ni mkuu wa Idara ya Qur'ani na Hadith katika Chuo Kikuu cha Kimataifa cha Al-Mustafa.

Katika uga wa kimataifa, katika siku chache za mashindano, kulikuwa na washiriki kutoka nchi za Afrika, Ulaya, na Asia wakishindana katika vikundi viwili vya wanawake na wanaume, alisema, akibainisha kuwa washindani hawa walionyesha ujuzi wao katika nyanja za Qur'ani.

Washiriki, wakionesha ustadi wa kipekee katika kuwasilisha maarifa ya Kiislamu, walionyesha kuwa wanaweza kuwa na athari, na, Mwenyezi Mungu akipenda, watu hawa watakuwa askari wakuu wa kimataifa katika uwanja wa kukuza uelewa unaozingatia Qur'ani Tukufu, aliendelea kusema.

Toleo la 47 la Mashindano ya Kitaifa ya Qur'ani ya Iran lilifanyika katika jiji la Tabriz kaskazini magharibi mwa nchi mwezi uliopita.

3491289