Fainali za Mashindano ya Qur'ani ya Kitaifa ya Iran kuanza Jumatatu

IQNA - Duru ya mwisho ya Mashindano ya 47 ya Kitaifa ya Qur'ani Tukufu ya Iran itaanza katika mji wa kaskazini-magharibi wa Tabriz Jumatatu, Disemba 2.

Kwa mujibu wa Shirika la Masuala ya Wakfu na Misaada Iran, duru hii itaanza na sehemu ya wanawake, ambayo itadumu kwa siku 7. Sehemu ya wanaume itaanza Desemba 10, na sherehe ya kufunga, ambapo washindi watatajwa na kutunukiwa, iliyopangwa Desemba 19.

Mashindano ya Kitaifa ya Qur'ani ya Jamhuri ya Kiislamu ya Iran kila mwaka huandaliwa na Jumuiya ya Shirika la Masuala ya Wakfu na Misaada Iran kwa kushirikisha wanaharakati wakuu wa Qur'ani kutoka kote nchini. Inalenga kugundua vipaji vya Qur'ani na kukuza shughuli za Qur'ani katika jamii. Washindi wakuu wa mashindano hayo wataiwakilisha Iran katika mashindano ya kimataifa ya Qur'ani kote duniani.

Mashindano ya mwaka huu yanafanyika kwa kauli mbiu ya "Mashahidi wa Huduma", kwa lengo la kumuenzi Rais wa zamani Ebrahim Raisi na wenzake waliouawa katika ajali ya helikopta mwezi Mei.

3490804