Maandiko ya Kiislamu: Njia ya Kuelewa Sanaa za Kale

IQNA-Miswada au maandiko ya kale ni hazina muhimu ya urithi wa binadamu. Majumba ya makumbusho, vyuo vikuu na vituo vya utafiti ni sehemu ambazo zimejaa maelfu ya maandiko ambayo yanasaidia kuelewa historia, sayansi, lugha, na sanaa mbalimbali hasa katika ustaarabu wa Kiislamu.

Katika ustaarabu huu, maandiko yamekuwa daraja la kipekee kati ya zamani na sasa, yakihifadhi ujuzi na mafanikio ya kihistoria. Sanaa kama hati ya Kiarabu, upambaji kwa dhahabu na mapambo mengine yalistawi kupitia maandiko haya, yakiyafanya kuwa kazi za sanaa zenye thamani ya kipekee.

Katika kitabu chake “The Historical Development of the Manuscript Industry”, Saleh Mohammed Zaki Al-Hibbi anachambua historia ya utengenezaji wa maandiko na mchango wa ustaarabu wa Kiislamu katika kuendeleza teknolojia ya karatasi. Anaonesha jinsi Baghdadi ilivyokuwa kitovu cha mabadiliko haya wakati wa ukhalifa wa Harun al-Rashid.

Kitabu hiki kinazungumzia pia namna Waislamu walivyoboresha karatasi – si tu kwa matumizi bali kwa mapambo na ubunifu, hivyo kuongeza thamani ya vitabu. Al-Hibbi anachunguza maandiko haya kwa mitazamo ya kiakili, kifasihi, na kiroho, akionyesha athari zake hadi leo.

Anasisitiza kuwa maandiko haya si tu njia ya kuhifadhi elimu, bali pia ni vielelezo vya ubunifu wa hali ya juu na urembo wa kitamaduni, ambavyo vilikuwa na ushawishi mkubwa hata barani Ulaya.

3492642