Indhari ya Umoja wa Mataifa kuhusu watoto wa Gaza kukumbwa na njaa huku Israel ikiendeleza vita

IQNA - Ofisi ya Umoja wa Mataifa ya Kuratibu Masuala ya Kibinadamu (OCHA) imetoa onyo kali kwamba misaada ya kutosha ya kibinadamu haiwafikii Wapalestina huko Gaza, na kusababisha visa vikali vya njaa miongoni mwa watoto.

Shirika hilo limeutaka utawala wa Israel kuzingatia sheria za kimataifa na kuhakikisha usafirishwaji salama wa misaada muhimu katika eneo hilo.

Msemaji wa OCHA Jens Laerke amebainisha wasiwasi wake mkubwa, akisema, "Ningesema kwa hakika hawapati kiasi ambacho wanahitaji  kuzuia njaa, ili kuzuia aina zote za kutisha tunazoziona. Ni kidogo sana, kidogo sana kinachoendelea wakati huu. wakati.

Ombi hili la dharura linafuatia kifo cha kusikitisha cha mvulana wa Kipalestina aliyekuwa na umri wa miaka 13, Abdul Qader al-Sarhi, ambaye alikufa kwa njaa katikati mwa Ukanda wa Gaza baada ya kufungwa kwa kivuko cha mpaka cha Rafah na mamlaka ya Israeli, ambayo imezuia sana mtiririko. wa misaada ya kibinadamu.

Wakati huo huo, Ofisi ya habari ya Serikali katika Ukanda wa Ghaza imetangaza kuwa, zaidi ya watoto 3,500 wako hatarini kufariki dunia kutokana na uhaba wa chakula na njaa inayosababishwa na sera ya utawala wa Kizayuni wa Israel ya kuwatesa kwa njaa Wapalestina wa eneo hilo.

Taarifa iliyotolewa na ofisi hiyo imeongeza kuwa: kutokana na sera ya utawala wa Israel ya kuwaweka Wapalestina njaa ambayo imesababisha uhaba wa chakula na kutokana na kukosekana virutubisho vya chakula kulikosababishwa na hatua ya utawala huo ghasibu ya kuzuia kuingizwa misaada ya kibinadamu huko Ghaza, zaidi ya watoto 3,500 wako hatarini kufariki dunia katika eneo hilo lililowekewa mzingiro.

 

Ofisi ya habari ya Serikali katika Ukanda wa Ghaza imeendelea kueleza kwamba: zaidi ya watoto 3,500 walio na umri wa chini ya miaka mitano wako hatarini kuaga dunia kutokana na sera za utawala wa Israel za kuwatesa watoto kwa njaa, uhaba wa maziwa na chakula, uhaba wa virutubisho vya lishe, kukosekana chanjo na kuzuiliwa kuingia bidhaa za chakula na dawa na misaada ya kibinadamu katika eneo hilo kwa wiki ya nne mfululizo.

Sambamba na kukumbusha kuwa jinai hizo za utawala wa Kizayuni dhidi ya watoto wa Ghaza zimechangiwa na kimya cha jamii ya kimataifa, taarifa ya ofisi ya habari ya serikali ya Ghaza imewataka walimwengu kuchukua hatua madhubuti na za kivitendo ili kuwaokoa watoto wa Ghaza.

 

Tangu tarehe 7 Oktoba 2023, na mbali na kuendeleza hujuma na mashambulizi ya kinyama dhidi ya raia wa Wapalestia wasio na ulinzi katika Ukanda wa Ghaza, utawala wa Kizayuni umeendelea pia kuuzingira ukanda huo na kuzuia misaada ya kibinadamu na chakula kuingizwa huko na hivyo kuifanya hali ya eneo hilo iwe mbaya zaidi.

 

Hapo awali duru za Wapalestina zilitangaza kuwa idadi kadhaa ya watoto wachanga na watoto wa Kipalestina wamefariki kaskazini mwa Ukanda wa Ghaza kutokana na utapiamlo na uhaba wa maji.

3488611