Mpango wa Kutafakari kuhusu Qur'ani Wafanyika Katika Msikiti wa Al-Nur, Jakarta

IQNA – Hafla ya ‘Halal kwa Halal’ na mpango wa kutafakari kuhusu aya za Qur'ani zilifanyika kwa ushiriki mkubwa wa viongozi wa kidini, kitamaduni na kitaaluma katika Msikiti wa Al-Nur uliopo Jakarta, Indonesia.

Lengo kuu la matukio haya mawili lilikuwa ni usomaji na tafsiri ya aya za tukufu za Qur'ani, zikiangazia uhusiano wa mwanadamu na Mwenyezi Mungu pamoja na wajibu wa kijamii baada ya mwezi mtukufu wa Ramadhani.

Kaulimbiu ya programu hizo “Soma Quran, Tafakari, Tenda” iliwatia moyo wazungumzaji na washiriki wa hafla hiyo.

Kundi la wanazuoni na maprofesa walihutubia hafla hiyo, kila mmoja akichambua mafundisho ya Qur'ani kwa mtazamo maalum na kuelezea utamaduni wa Ramadhani.

Mzungumzaji mkuu alikuwa Syed Hussain bin Hamid Al-Attas ambaye alieleza nafasi ya tafakari katika Qur'ani katika kukuza uelewa wa kidini na kuimarisha jamii ya Kiislamu kwa kuchunguza kwa kina baadhi ya Surah za Qur'ani.

Pia alisisitiza umuhimu wa umoja wa Umma wa Kiislamu mbele ya changamoto za kimataifa, akitoa wito wa mshikamano zaidi miongoni mwa Waislamu kwa msingi wa mafundisho ya Qur'ani na roho ya udugu wa Kiislamu.

Usimamizi wa kisayansi wa kikao hicho uliendeshwa na Fozan Ghazali, mwanafunzi bora na mwanaharakati wa kitamaduni.

Mohammad Reza Ebrahimi, Mwambata wa Kitamaduni wa Jamhuri ya Kiislamu ya Iran nchini Indonesia, alizungumza kuhusu desturi za Qur'ani, kijamii na kiroho za mwezi mtukufu wa Ramadhani nchini Iran.

Pia aligusia utamaduni wa Halal kwa Halal katika jamii za Kusini-Mashariki mwa Asia, akiona desturi hii kuwa karibu sana na ile ya kutembeleana ndugu na marafiki wakati wa sikukuu ya Nowruz nchini Iran, na akaielezea kama njia mashuhuri ya kudumisha mshikamano wa kijamii na kuimarisha roho ya msamaha na huruma miongoni mwa Waislamu.

Alisema kuwa utamaduni wa Halal kwa Halal nchini Indonesia, hasa baada ya kumalizika kwa mwezi mtukufu wa Ramadhani na katika siku za mwanzo za Idul-Fitr, ni desturi ya zamani na ya kitamaduni ambapo watu huombana msamaha, kuweka kando tofauti zao, na kuimarisha uhusiano wao wa kijamii kwa kuhudhuria makongamano au hafla za kijumuiya.

“Desturi hii, ambayo ni alama ya mshikamano na amani ya kijamii, ina mizizi yake katika utamaduni wa Kiislamu wa watu wa Indonesia na wakati huo huo ina mazingira yanayofanana na Mwaka Mpya wa Iran,” alisema.

Ebrahimi alieleza vipengele mbalimbali vya utamaduni wa Ramadhani nchini Iran, ikiwa ni pamoja na kuandaa futari yenye gharama ya chini kwa ushiriki wa watu wote, kuwajali maskini na wahitaji, kuendesha vikao vya usomaji wa Qur'ani misikitini na majumbani, na kuhifadhi Qur'ani kama sehemu ya utamaduni wa familia.

3492710