Shiriki mkutano wa kimataifa Tehran kuhusu uhuru kwa mtazamo wa Uislamu

IQNA – Mji mkuu wa Iran, Tehran, umepangwa kuwa mwenyeji wa mkutano wa kimataifa kuhusu ubinadamu na uhuru.

Mkutano huo umepangwa kufanyika tarehe 3 Desemba, 2025, ambapo utajadili masuala ya ubinadamu na uhuru kwa mtazamo wa Uislamu, ukiangazia fikra za Kiongozi Muadhamu wa Mapinduzi ya Kiislamu, Ayatullah Seyed Ali Khamenei.

Tukio hilo la kimataifa litaweka mkazo juu ya nafasi ya Ayatullah Khamenei katika kutetea haki za watu na kulinda uhuru wa mtu binafsi na wa kijamii; Haki za msingi za binadamu na uhuru wa kijamii kwa mtazamo wa Kiislamu; Haki za wanawake katika Uislamu na Magharibi; Haki za wachache katika Uislamu na Magharibi; Ulinganisho wa haki za msingi kati ya Iran na mifumo mingine ya kisheria kwa mujibu wa Tamko la Ulimwengu la Haki za Binadamu; Uhuru katika Uislamu na Magharibi: misingi ya dhana, mifumo ya kisheria, na mbinu; Uchambuzi wa kina wa haki za binadamu za Magharibi; Haki na uhuru wa watu: utafiti wa kulinganisha baina ya mataifa kwa mtazamo wa Iran; na Utambuzi wa kikatiba wa haki za watu: uchambuzi wa kulinganisha duniani ukiangazia Katiba ya Iran.

Mkutano huo unaandaliwa na taasisi za Iran, vyuo vikuu, na vituo vya kielimu.

Wasomi na watafiti wanakaribishwa kuwasilisha makala zao kwa lugha ya Kiajemi, Kiingereza, Kiarabu, Kifaransa, Kihispania, au Kituruki, kulingana na mada kuu za mkutano.

Makala zinapaswa kutumwa kwa sekretarieti ya mkutano kupitia tovuti rasmi: www.hoghoghmellat.ir au kwa barua pepe ifuatayo: [e-mail].

Tarehe ya mwisho ya kutuma muhtasari wa makala ni Mei 20, 2025, na tarehe ya mwisho ya kutuma makala kamili ni Agosti 22, 2025.

Makala zitakazochaguliwa kutoka kwenye mkutano huu zitachapishwa kwenye jarida la kielimu lenye uhakiki wa kitaalamu.

3492756