Nambari katika Quran Tukufu

IQNA – Kuna idadi au nambari 39 zilizotajwa ndani ya Qur'an, baadhi yake zinarejelea tu nambari, wakati zingine zina siri nyuma yake.

Nambari hutumiwa katika nyanja zote za maisha na katika sayansi, zina umuhimu maalum.

Qur'ani Tukufu inatumia nambari katika baadhi ya aya ili kuvutia umakini wa kuhesabu na kukokotoa. Kwa mfano, Aya ya 47 ya Surah Hajj: “Wanakuomba uiharakishe adhabu. Mwenyezi Mungu hatavunja ahadi yake. Kila siku kwa Mola wako Mlezi ni kama miaka elfu katika hisabu yako.”

Au Aya ya 5 ya Sura Yunus: “Yeye ndiye aliye lijaalia jua kuwa na mwangaza, na mwezi ukawa na nuru, na akaupimia vituo ili mjue idadi ya miaka na hisabu. Mwenyezi Mungu hakuviumba hivyo ila kwa Haki. Anazipambanua Ishara kwa watu wanao jua."

Kuna nambari 30 nzima zilizotajwa katika Qur'ani Tukufu, ambazo baadhi yake hurudiwa mara kwa mara. Pia kuna nambari 950, ambayo inatajwa kwa udhahiri katika Aya ya 14 ya Sura Al-Ankabut: “Na hakika tulimtuma Nuhu kwa watu wake, na akakaa nao miaka elfu kasoro miaka khamsini. Basi tufani liliwachukua, nao ni madhaalimu."

Na kuna nambari 8 za sehemu zilizotajwa katika Qur'ani Tukufu

Kwa ujumla, nambari zilizotumika katika aya za Quran na Hadithi ni za aina mbili. Wale wa kundi la kwanza wana siri, wakati wale wa kundi la pili hawana siri na wanarejelea tu nambari.

Mfano wa kundi la pili ni idadi ya sala na Rakaa zao au neno Khums (moja ya tano) katika Aya ya 41 ya Surat Al-Anfal: “NA JUENI ya kwamba ngawira mnayo ipata, basi khums (sehemu moja katika tano) ni kwa ajili ya Mwenyezi Mungu na Mtume, na jamaa, na mayatima, na masikini, na wasafiri, ikiwa nyinyi mmemuamini Mwenyezi Mungu na tuliyo yateremsha kwa mja wetu siku ya kipambanuo, siku yalipo kutana majeshi mawili. Na Mwenyezi Mungu ni Muweza wa kila kitu."

Lakini baadhi ya nambari kama 5, 7, 14, na 40 katika baadhi ya aya za Quran zina siri.

Kwa mfano, Mwenyezi Mungu anasema katika Aya ya 80 ya Sura At-Tawbah: “(Muhammad), Waombee msamaha au usiwaombee. Hata ukiwaombea msamaha mara sabiini, Mwenyezi Mungu hatawasamehe. Hayo ni kwa sababu ya kuwa wao wamemkataa Mwenyezi Mungu na Mtume wake. Na Mwenyezi Mungu hawaongoi watu wapotofu.”

Hapa nambari 70 inasisitiza wingi badala ya nambari kamili.

Ili kujua ni nambari gani zina siri na zipi hazina, tunapaswa kurejelea aya na Hadithi. Kwa mfano, namba 7 imetajwa kuhusu mbingu saba: “Yeye ndiye aliye umba mbingu saba kwa matabaka...,” (Aya ya 3 ya Surah Al-Mulk) na kuhusu Sa’y ya Safa na Marwah.

3489486