Mpango wa Makka, Madina kwa ajili ya usalama wa Mahujaji

IQNA – Mpango kamili umeanzishwa kuhakikisha usalama wa vyakula, dawa, na bidhaa za matibabu zinazotolewa kwa Mahujaji katika miji ya Makka na Madina wakati wa msimu ujao wa Hija.

Mamlaka ya Chakula na Dawa ya Saudia inatekeleza mpango huu kadri msimu wa  Hija unavyokaribia.
Mamlaka hiyo itafanya ufuatiliaji na mkaguzi wa bidhaa chini ya usimamizi wake katika viwanja vya ndege, mipakani, na bandari za baharini za kuingia Mahujaji.
Pia itasimamia vifaa vya chakula na madawa pamoja na maeneo ya matibabu katika miji mitakatifu miwili, pamoja na vituo vya matibabu vya msimu vinavyohusiana na ofisi za masuala ya Hija, kwa kushirikiana na Wizara ya Afya.
Katika mipango yake wakati wa msimu wa Hija ni pamoja na utafiti na warsha za uhamasishaji kwa wafanyakazi wa sekta ya utayarishaji chakula  ili kuhakikisha kufuata viwango vya afya kutoa chakula salama kwa Mahujaji, kwa ushirikiano na manispaa za Makka na Madina.
Mamlaka hiyo pia itawasilisha ujumbe wa uhamasishaji wa lugha mbalimbali na programu za habari kwa Mahujaji kuhusu usalama wa chakula na dawa.

3492766